Пасольства ЗША ў Маскве папярэдзіла пра пагрозу тэракта ў адным з расійскіх музеяў. Так было і перад «Крокусам»
Пасольства ЗША ў Маскве папярэдзіла пра пагрозу здарэння з вялікай колькасцю ахвяр на тэрыторыі музея-запаведніка «Царыцына». Амерыканскім дыпламатам стала вядома пра верагодную пагрозу такога здарэння 31 кастрычніка.
Урад ЗША каардынуе меры рэагавання з адпаведнымі расійскімі дзяржаўнымі органамі.
Пасольства рэкамендавала грамадзянам ЗША 31 кастрычніка не наведваць музей і трымацца далей ад гэтага раёна, захоўваць пільнасць і пазбягаць месцаў масавага збору людзей. Таксама ім параілі сачыць за навакольнай сітуацыяй і паведамленнямі мясцовых СМІ, перагледзець асабісты план бяспекі, трымаць мабільны тэлефон зараджаным і мець пры сабе дакументы, якія пацвярджаюць асобу. Акрамя таго, амерыканцам прапанавалі зарэгістравацца ў праграме Smart Traveler Enrollment Program (STEP), каб атрымліваць паведамленні пра пагрозы бяспецы і здароўю.
Расійскія ўлады і адміністрацыя Масквы пакуль гэта папярэджанне ніяк не каментавалі.
Варта адзначыць, што падобнае папярэджанне пасольства ЗША выдавала і ў сакавіку 2024 года, перад вядомым крывавым тэрактам у «Крокус Сіці Холе» ў падмаскоўным Краснагорску. Папярэджанне выйшла 7 сакавіка, а тэракт адбыўся ўвечары 22 сакавіка.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары