Дзяржаўны дэпартамент ЗША ўхваліў магчымую здзелку па продажы Украіне 500 ракет PAC-3 MSE для зенітна-ракетных комплексаў Patriot. Арыенціровачны кошт закупкі складае 2,1 мільярда даляраў.
Як паведамляе Бюро па вайскова-палітычных пытаннях Дзярждэпартамента ЗША, пастаўкі будуць аплачаныя за кошт сродкаў партнёраў і саюзнікаў Украіны.
У прыватнасці, фінансаванне забяспечаць ахвяраванні Канады, Германіі і Нарвегіі ў межах праграмы JUMPSTART, а таксама нацыянальныя сродкі, выдзеленыя з крэдыту Еўрапейскага саюза на падтрымку Украіны. Амерыканскія дзяржаўныя сродкі для гэтай здзелкі выкарыстоўвацца не будуць.
Украінскі ўрад запытваў 500 ракет PAC-3 з удасканаленым ракетным сегментам MSE. Акрамя саміх ракет, пастаўка прадугледжвае запасныя часткі, іншыя матэрыяльна-тэхнічныя сродкі і праграмнае забеспячэнне для падтрымкі комплексаў.
У Дзярждэпартаменце ЗША лічаць, што здзелка ўмацуе абароназдольнасць Украіны і будзе спрыяць дасягненню мэтаў амерыканскай знешняй палітыкі і нацыянальнай бяспекі. Паводле ведамства, гэта таксама дапаможа ўмацаваць бяспеку краіны-партнёра, якая з'яўляецца адным з фактараў палітычнай і эканамічнай стабільнасці ў Еўропе.
Зяленскі: Расія ўпершыню настроеная на сур'ёзную размову ў Абу-Дабі, а ЗША прапануюць Маскве «эканамічны шлюб»
Рубіа дапусціў, што ЗША затрымліваюць перадачу Украіне купленых Еўропай ракет-перахопнікаў
Еўропа не можа замяніць ЗША ў забеспячэнні Украіны спадарожнікавымі разведданымі
Якую зброю і разведвальныя даныя Украіне могуць даць толькі ЗША?
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары