Супрацоўнікі дыпмісій ЕС ушанавалі памяць расстраляных у Курапатах
Сёння павераная ў справах Германіі Катрын аус дэм Зіпэн разам з супрацоўнікамі іншых дыпламатычных прадстаўніцтваў краін Еўрасаюза і Вялікабрытаніі ўшанавала памяць ахвяр сталінскіх рэпрэсій у Беларусі, паведамляе пасольства Германіі.
«Кожны год шмат беларусаў шануюць памяць гэтых забітых культурных дзеячаў. Памяць пра іх захоўваюць і падтрымліваюць і ў Германіі. Так, 29 кастрычніка ў Берлінскім літаратурным калёквіуме адбылося мерапрыемства «Ноч нерасстраляных вершаў 2026. Сустрэча са знішчанай беларускай літаратурай».
У гэтым годзе «Ноч нерасстраляных вершаў» была прысвечаная літаратурным гурткам, якія сталі формай арганізацыі беларускай літаратуры ў перыяд 1920‑х і 1930-х. Мерапрыемства прайшло на беларускай, ідышы і нямецкай мовах, паведамляе пасольства.
Каментары