Плітачнік з Гродна лазіў у чужыя кватэры, а потым палез ва Украіну — запісаўся ў «Чорныя ваўкі» Пуціна
46‑гадовы Ігар Карп з сямю судзімасцю паехаў правяраць трываласць украінскай абароны пад Запарожжам.
Часць №32364, з якой падпісаў кантракт гродзенец Ігар Карп, дыслакуецца ва Улан-Удэ, сталіцы Бураціі. Яна ўваходзіць у 11‑ю асобную гвардзейскую дэсантна-штурмавую брыгаду «Чорныя ваўкі». Гэтых «ваўкоў» цяпер выкошваюць беспілотнікамі на запарожскім кірунку.
Ігар Карп таксама не вярнуўся з першага ж штурму.
Карп лічыцца зніклым без звестак з 27 ліпеня 2026. Магчыма, ягоныя баявыя таварышы падзялілі яго долю, бо цяпер сястра Карпа шукае ў профільных чатах хаця б каго жывога з яго падраздзялення, хто б мог даць ёй крышку інфармацыі.
«Можа, яшчэ хто быў у гэтай часці? Нам паведамілі, што ён знік у нейкай лесапаласе і больш яго не бачылі», — плачацца яна.
Станам на 2021 год у Карпа было сем судзімасцяў, кожны раз — па маёмасных злачынствах.
Ігар, па інфармацыі Belpol, выпрабоўваў розныя метады авалодвання чужой маёмасцю. З даказаных эпізодаў: пяць крадзяжоў з кватэр, адно рабаўніцтва і адно махлярства.
Да адпраўкі на фронт Карп працаваў плітачнікам-бетоншчыкам на Гродзенскім камнеапрацоўчым заводзе.
Цяпер чытаюць
«Дагэтуль задаюся пытаннем, чым Пратасевіч мяне зачараваў». Вялікае інтэрв'ю Соф'і Сапегі — частка другая4
Каментары