Ілюзія, анамалія, НЛА? У Мінску на небе заўважылі загадкавае свячэнне
Мінчукі, якія выйшлі на шпацыр 28 кастрычніка, маглі заўважыць у небе незвычайнае свячэнне. Беларусы ў розных частках горада назіралі як адзінкавыя, так і парныя слупы святла. Паводле слоў відавочцаў, такія крыніцы святла «то з'яўляліся, то знікалі», піша «Анлайнер».
У Threads кінуліся гадаць, што ж гэта было — анамалія, ілюзія ці ўвогуле касмічны карабель? Такія здагадкі гучаць цікава, але рэальнасць куды больш празаічная.
Светлавыя слупы, якія ўзніклі ў паветры, — гэта атмасферная аптычная з'ява. Яна ўзнікае праз тое, што святло ад ліхтароў, пражэктараў ці іншых яркіх крыніц адбіваецца ад граняў малюсенькіх плоскіх ледзяных крышталяў, што знаходзяцца ў паветры.
У выніку назіральніку здаецца, што ад крыніцы святла ўверх ці ўніз цягнецца вертыкальны светлавы слуп. Такія слупы могуць быць жоўтымі, аранжавымі, белымі або чырванаватымі.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары