Расійскі дрон зноў упаў каля самага прапускнога пункта на ўкраінска-польскай мяжы
Расія зноў нанесла ўдар рэактыўным дронам каля ўкраінска-польскай мяжы ў Валынскай вобласці. Беспілотнік зноў упаў непадалёк ад мяжы з Польшчай. Праўда, непасрэдна ў пункт пропуску «Ягадзін» дрон не трапіў.
У інтэрнэце з'явіліся відэазапісы, на якіх відаць, як беспілотнік падае ў лесе непадалёк ад людзей і памежнай інфраструктуры.
А 17:58 Паветраныя сілы Украіны паведамілі пра рэактыўны дрон у раёне населенага пункта Галаўное на Валыні, які рухаўся на захад у кірунку польскай мяжы. Прыкладна а 18:00 польскія Паветраныя сілы заявілі, што на фоне расійскай атакі на захадзе Украіны ў паветра па трывозе была паднятая баявая авіяцыя.
Раён пункта пропуску «Ягадзін» з'яўляецца важным вузлом чыгуначнага спалучэння Украіны з Польшчай у кірунку Варшавы і Халма. Апошнім часам гэтая памежная зона ўжо двойчы станавілася месцам расійскіх атак.
Першы ўдар па інфраструктуры ў гэтым раёне адбыўся раніцай 13 верасня. Тады расійскі «Шахед» паразіў аўтазапраўку каля пункта пропуску «Ягадзін — Дарагуск» і трапіў у цягнік «Кіеў — Варшава», калі той праходзіў мытны кантроль. У цягніку знаходзіўся былы дырэктар ЦРУ Дэвід Петрэус. Прыкладна за паўтары гадзіны да ўдару гэтым жа маршрутам праязджала дэлегацыя замежных лідараў.
17 верасня Расія зноў атакавала гэты раён рэактыўным дронам. Ён выбухнуў прыкладна за чатыры кіламетры ад польскай мяжы, пасля чаго Польшча падымала ў паветра баявую авіяцыю.
Паводле даных Дзяржаўнай памежнай службы Украіны, для такіх атак на заходнія рэгіёны Расія выкарыстоўвае рэтранслятары на тэрыторыі Беларусі. Яны, як сцвярджаецца, узмацняюць сігнал для беспілотнікаў тыпаў «Шахед» і «Гербера».
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары