Andruś Biezdar, jaki vyjšaŭ ź SIZA, raskazaŭ, jak jaho sprava ciapier i što budzie dalej
Suzasnavalnik viadomaha architekturnaha biuro ZROBIM architects Andrej Makoŭski (viadomy jak Andruś Bezdar), jaki vyjšaŭ ź SIZA, adkazaŭ na pytańni, jakimi jaho zasypali ŭ sacsietkach.
Pavodle zajaŭ siłavikoŭ, architekturnaje biuro abvinavacili ŭ atrymańni «niaŭličanaha prybytku» na sumu 6 miljonaŭ dalaraŭ i vypłacie zarobkaŭ u kanviertach.
Jak raskazvaje Andruś, na ciapierašni momant pahašany ŭron, jaki kampanii pradjavili.
«My svaju vinu, viadoma, pryznali, my pakajalisia. I ja b uvohule paraiŭ usim, chto choča tam uchilicca ad apłaty padatkaŭ, naprykład, niejak dzieści niedapłacić, u momancie zarabić bolš — paviercie, heta nie pierakryvaje tyja ryzyki i tyja prablemy, jakija mohuć u vas uźniknuć u dalejšym», — skazaŭ jon.
Nakont taho, ci nie źbirajecca źjechać, Andruś skazaŭ, što svoj vybar zrabiŭ daŭno.
«Ja chaču zastacca ŭ Biełarusi. Tut jość mahčymaści dla realizacyi patencyjału majho i ŭ cełym našaj kampanii. Ja lublu hetuju krainu, ja chaču raści i raźvivacca tut», — skazaŭ jon.
Pavodle jaho słoŭ, u toj pieryjad, pakul jon byŭ u SIZA, ZROBIM architects pracavaŭ na ździŭleńnie pradukcyjna: kampanija aptymizavałasia, pamienšyła svaje vydatki, ułasna, rasła i raźvivałasia dalej.
«My zrabili dastatkova šmat dobraj architektury», — paviedamiŭ jon i paabiacaŭ šmat z hetaha chutka pakazać.
Pieraśled kiraŭnictva i supracoŭnikaŭ ZROBIM architects pačaŭsia ŭ krasaviku 2026 hoda. Tady siłaviki zatrymali kala 50 čałaviek, a samo papularnaje architekturnaje biuro abvinavacili ŭ atrymańni «niaŭličanaha prybytku» na sumu 6 miljonaŭ dalaraŭ i vypłacie zarobkaŭ u kanviertach. Ahulnuju škodu biudžetu acanili bolš jak na 5 miljonaŭ rubloŭ.
Sam Andrej Makoŭski zastaŭsia pad vartaj. Paźniej u jaho akaŭncie źjaviŭsia paviedamleńnie «Pryvitańnie ź SIZA! Płacicie padatki całkam, rabiaty».
U červieni 2026 hoda ŭ jahonych sacsietkach źjaviłasia abjava ab prodažy niedabudavanaj viły na tajłandskim vostravie Pchukiet u elitnym kompleksie Botanica Pru Jampa, a ŭ lipieni — nadzieła pad turystyčny kompleks na bierazie Vilejki.
5 žniŭnia stała viadoma, što Andruś Biezdar vyjšaŭ ź SIZA.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary