«U ich chvaroba. Jany varjaty». Tramp paździekavaŭsia z uładalnikaŭ elektramabilaŭ
Vystupajučy na mitynhu ŭ u Łas-Viehasie, Donald Tramp abrynuŭsia z krytykaj i kpinami na ŭładalnikaŭ elektramabilaŭ, abvinavaciŭšy ich u psichičnaj niepaŭnavartaści.
Raspaviadajučy svaim prychilnikam pra nibyta skasavany im «elektryčny mandat», Tramp pierajšoŭ da abraz u bok kiroŭcaŭ ekałahičnaha transpartu.
«Jedzieš u elektramabili… u ich chvaroba, viedajecie, heta chvaroba, — zajaviŭ Tramp sa sceny. — Jany jeduć i razumiejuć, što akumulatar sadzicca, i pačynajuć dumać pra heta, kali jon zapoŭnieny jašče na try čverci. Vy jedziecie pa šašy i bačycie znak: «Zaradnaja stancyja, strełka ŭprava, 89 mil». Hetyja ludzi — varjaty».
Pry hetym Tramp iranična zhadaŭ svaje adnosiny z kiraŭnikom Tesla Iłanam Maskam, zaznačyŭšy: «Ja admianiŭ mandat. Nie chaču pra heta kazać, bo Iłan byŭ ad mianie nie ŭ zachapleńni, ale ja musiŭ heta zrabić. My lubim Iłana».
Jon taksama z honaram zajaviŭ, što dola elektrakaraŭ na amierykanskim rynku składaje ŭsiaho 7%, dadaŭšy, što ZŠA vałodajuć «60% suśvietnaj nafty i hazu, uklučajučy Vieniesuełu».
Tramp ličyć, što prasoŭvańnie ekałahičnaha transpartu źviazana z «radykalnymi levymi» i demakratami. A Tramp apieluje da svajho bazavaha elektaratu — rabotnikaŭ tradycyjnaha aŭtaprama i pradstaŭnikoŭ naftahazavaha siektara, demanstrujučy padtrymku bienzinavym ruchavikam i pramysłovamu kansiervatyzmu.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
Hladzicie pierakładčyka Nik Hałavin, jaki vydatna vałodaje anhlijskaj movaj i ŭmieje prafiesijna pierakładać ź intanacyjaj.
Ci sami vyvučycie movu i hladzicie aryhinały vystupaŭ.