Pra heta prezident Ukrainy napisaŭ u svaim telehram-kanale, kamientujučy načny ŭdar Rasii pa Kijevie, u vyniku jakoha zahinuli dzieviać čałaviek, a try dziasiatki atrymali ranieńni.
«Hetaj nočču rasijanie vypuścili pa Ukrainie 35 rakiet, ź jakich 27 — balistyčnyja, a taksama 185 udarnych bieśpiłotnikaŭ roznych typaŭ. Hałoŭnaj cellu byŭ Kijeŭ. Akramia taho, udary nanosilisia pa Dnieprapiatroŭskaj, Sumskaj, Charkaŭskaj i Pałtaŭskaj abłaściach.
Siońnia ŭnačy ŭdałosia źbić tolki adnu balistyčnuju rakietu, bo niama rakiet dla kompleksaŭ Patriot. I mienavita taki deficyt supraćrakiet dla pierachopu balistyčnych celaŭ tolki zaachvočvaje Rasiju nanosić takija ŭdary, jakija zabirajuć čałaviečyja žyćci», — napisaŭ Zialenski.
Prezident Ukrainy dadaŭ, što važna, kab partniory pačuli: hetyja srodki patrebnyja nie dzieści na składach «na vypadak mahčymych scenaryjaŭ», a tut i ciapier, kab rasijskuju vajnu možna było strymlivać i spynić va Ukrainie.
«Kožny pakiet dapamohi z supraćbalistyčnymi srodkami ratuje žyćci našych ludziej. I kožnaja noč, kali ich niama, pryvodzić da novych achviar», — dadaŭ Uładzimir Zialenski.
Ciapier čytajuć
Aryštavali pradstaŭnikoŭ kampanii Bayer u Biełarusi6
Aryštavali pradstaŭnikoŭ kampanii Bayer u Biełarusi
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary