Пра гэта прэзідэнт Украіны напісаў у сваім тэлеграм-канале, каментуючы начны ўдар Расіі па Кіеве, у выніку якога загінулі дзевяць чалавек, а тры дзясяткі атрымалі раненні.
«Гэтай ноччу расіяне выпусцілі па Украіне 35 ракет, з якіх 27 — балістычныя, а таксама 185 ударных беспілотнікаў розных тыпаў. Галоўнай цэллю быў Кіеў. Акрамя таго, удары наносіліся па Днепрапятроўскай, Сумскай, Харкаўскай і Палтаўскай абласцях.
Сёння ўначы ўдалося збіць толькі адну балістычную ракету, бо няма ракет для комплексаў Patriot. І менавіта такі дэфіцыт супрацьракет для перахопу балістычных цэляў толькі заахвочвае Расію наносіць такія ўдары, якія забіраюць чалавечыя жыцці», — напісаў Зяленскі.
Прэзідэнт Украіны дадаў, што важна, каб партнёры пачулі: гэтыя сродкі патрэбныя не дзесьці на складах «на выпадак магчымых сцэнарыяў», а тут і цяпер, каб расійскую вайну можна было стрымліваць і спыніць ва Украіне.
«Кожны пакет дапамогі з супрацьбалістычнымі сродкамі ратуе жыцці нашых людзей. І кожная ноч, калі іх няма, прыводзіць да новых ахвяр», — дадаў Уладзімір Зяленскі.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў59
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары