Расія ўначы ўдарыла па Кіеве: дзевяць загінулых, некалькі дзясяткаў параненых
Сярод загінулых — дзеці.
Расія ў ноч на 1 жніўня нанесла ўдар па Кіеве. Паводле апошніх даных, вядома пра 9 загінулых, колькасць пацярпелых працягвае расці, піша УНІАН са спасылкай на Дзяржаўную службу Украіны па надзвычайных сітуацыях (ДСНС).
У Саламянскім раёне загінулі дзве асобы, яшчэ восем пацярпелі. Сярод іх — двое дзяцей. Па адным з адрасоў адбылося частковае разбурэнне і ўзгаранне пяціпавярховага жылога дома, па іншым — загарэліся аўтамабілі на стаянцы. Усяго трох чалавек шпіталізавалі, ратавальнікі эвакуявалі 35 жыхароў з верхніх паверхаў, пажар быў ліквідаваны.
У Дарніцкім раёне адбыліся пажар і разбурэнні ў адміністрацыйным будынку і ў нежылым памяшканні. Па іншым адрасе гарэлі аўтамабілі, а таксама былі пашкоджаны жылыя дамы. У гэтым раёне загінулі сем чалавек, яшчэ 14 атрымалі раненні, у тым ліку двое дзяцей.
У Шаўчэнкаўскім раёне ўзнік пажар у нежылым будынку, а таксама загарэліся аўтамабілі хуткай медыцынскай дапамогі. Пажар быў ліквідаваны. Па адным з адрасоў выяўлены адзін паранены чалавек. Акрамя таго, пажар адбыўся на тэрыторыі кінастудыі, яго ўдалося лакалізаваць.
«Дняпроўскі раён: пашкоджана крама. Пячэрскі раён: пашкоджаны чатыры прыватныя жылыя дамы і гаспадарчыя пабудовы. На месцах працуюць ратавальнікі і ўсе адпаведныя службы. Інфармацыя ўдакладняецца», — адзначылі ў паведамленні.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары