Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
Дырэктара Докшыцкага ЖКГ і вопытнага члена выбарчых камісій Дзмітрыя Калягу падазраюць у атрыманні хабару.
Дзмітрыю Калягу 50 гадоў. Нарадзіўся ў вёсцы Несцяроўка Докшыцкага раёна, на малой радзіме пабудаваў кар'еру, узначальвае жыллёва-камунальную гаспадарку прынамсі з 2015 года. «Докшыцы-Камунальнік» — гэта самае буйное камунальнае прадпрыемства раёна на больш як 500 работнікаў.
Паралельна з гаспадарчай Каляга зрабіў кар'еру ў палітычнай вертыкалі.
У 2018 годзе яго як беспартыйнага абралі ў Докшыцкі раённы Савет. У дэкларацыі кандыдата ён паказаў даход за 2016 год амаль 39,4 тысячы рублёў, кватэру і два зямельныя ўчасткі ў Докшыцах.
На прэзідэнцкіх выбарах 2020 года і на рэферэндуме 2022 года Каляга быў намеснікам старшыні Докшыцкай раённай камісіі.
З часам уступіў у «Белую Русь» і стаў намеснікам старшыні раённага аддзялення партыі. У 2024 годзе ўжо як партыец ён прайшоў у Віцебскі абласны савет па Докшыцкай акрузе №22.
Акрамя таго, ён лаўрэат звання «Чалавек года Віцебшчыны» за 2018 год.
Можна было б чакаць, што Калягу нарэшце павысяць і ў гаспадарчай вертыкалі, але гэта ўжо наўрад ці адбудзецца.
Па інфармацыі «Нашай Нівы», Дзмітрый Каляга ў канцы кастрычніка быў затрыманы па падазрэнні ў атрыманні хабару.
Гэта далёка не першы пераслед людзей з узнагародай «Чалавек года Віцебшчыны».
Чытайце:
Доктара і «Чалавека года Віцебшчыны» паўторна арыштавалі на 15 сутак
За кратамі памёр «Чалавек года Віцебшчыны-2021»
Затрымалі загадчыка аддзялення Віцебскай абласной бальніцы
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары