Паводле прэзідэнта Украіны, у Растоўскай вобласці пад удар трапіў камбінат «Каменскі». Таксама былі пашкоджаныя расійскія сродкі супрацьпаветранай абароны агульным коштам на 70 мільёнаў даляраў.
Уладзімір Зяленскі паведаміў пра ўдар па камбінаце «Каменскі» — прадпрыемстве расійскага абаронна-прамысловага комплексу, задзейнічаным у вытворчасці ракет.
«Нашы дальнабойныя санкцыі — у Растоўскім рэгіёне», — напісаў ён.
Паводле Зяленскага, пад удар таксама трапілі комплекс «Панцыр-С2» і камандна-штабная машына сістэмы С-400 «Трыумф». Агульны кошт гэтых аб’ектаў СПА ён ацаніў прыкладна ў 70 мільёнаў даляраў.
Прэзідэнт Украіны падзякаваў вайскоўцам за дакладнасць удараў.
«Справядліва абараняемся ад расійскай агрэсіі і робім усё, каб зменшыць магчымасці Расіі яе працягваць», — заявіў Зяленскі.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2020
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх20
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары