Каверын сказаў, што калі б яго прапанова эратычнай фотасесіі для Ціханоўскай не выклікала такую рэакцыю, ён бы, магчыма, не выбачаўся
«Давай будзем шчырыя, у той жа вечар пасля эфіру мы цудоўна сядзелі са Святланай Георгіеўнай і з усёй нашай дружнай кампаніяй адзначалі суботу, пілі віно і нікому не было да гэтага справы». Але вядучы прызнае, што пытанне было сэксісцкім.
У перадачы на «Белсаце» вядучаму Канстанціну Каверыну прыгадалі выпадак, калі ён на эфіры спытаў у Святланы Ціханоўскай, чаму немагчыма, каб яна знялася ў аголенай фотасесіі для прыцягнення ўвагі да палітвязняў.
Каверын пагадзіўся, што яго пытанне было сэксісцкім. Вядучы пазней выбачыўся.
«А калі б не пачалася гэтая хваля кэнсэлінгу, ты бы папрасіў прабачэння?» — спытаў у яго Дзяніс Дудзінскі.
«Думаю, што не», — пачаў адказваць Каверын, але не скончыў думку, бо Марына Ментусава запярэчыла, што быў нейкі кэнсэлінг.
«Я лічу, што тое, што адбылося ў эфіры, гэта мая памылка. У мяне няма перакананай мізагініі. Я не лічу, што жанчына вось гэта вось усё, у мяне няма гэтага ў галаве. Гэта была памылка, і мне на яе паказалі», — сказаў Каверын.
Каверын адзначыў, што ён можа пагадзіцца з аргументамі, калі гэта канструктыўнае тлумачэнне, а не проста абразы, навешванне ярлыка «мізагін» і адмена чалавека.
«Я гатовы прызнаць сваю памылку, але я не гатовы размаўляць з вамі пра прыдуманыя вамі за мяне факты маёй біяграфіі. Калі вешаюць ярлык — далей я не гатовы».
Ён зноў згадаў, што выбачыцца вырашыў пасля таго, як пабачыў рэакцыю на свае словы.
«Давай будзем чэсныя, у той жа вечар пасля эфіру мы цудоўна сядзелі са Святланай Георгіеўнай і з усёй нашай дружнай кампаніяй адзначалі суботу, пілі віно і нікому не было да гэтага справы».
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары