Амерыканцы папярэдзілі пра магчымы тэракт у Маскве. ФСБ у выніку праверкі затрымала падлетка
Падлетак нібыта размясціў у TikTok свае фатаграфіі ў тактычнай вопратцы і балаклаве з прадметам, падобным да аўтаматычнай зброі.
Учора амерыканскія праваахоўныя органы папярэдзілі Расію пра падрыхтоўку тэракту ў музеі-запаведніку «Царыцына».
У выніку праверкі ФСБ затрымала ў Маскве падлетка, паведамляе РБК са спасылкай на расійскія спецслужбы. Паводле даных ведамства, падлетак размясціў у TikTok свае фатаграфіі ў тактычнай вопратцы і балаклаве з прадметам, падобным да аўтаматычнай зброі. Ён таксама апублікаваў здымкі, зробленыя ў «Царыцыне» з подпісам «I found a place» («Я знайшоў месца»).
Дома ў падлетка знайшлі вопратку і аксэсуары з фатаграфій. У яго прыладах, як паведамляе ФСБ, знайшлі акаўнт TikTok, з якога размяшчаліся пагрозы, падпіску на неанацысцкі канал у Telegram, а таксама «значную колькасць пошукавых запытаў пра здзейсненыя тэрарыстычныя акты, масавыя забойствы і іншыя гвалтоўныя акцыі».
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары