Перахопную аўтастаянку ля станцыі метро «Слуцкі гасцінец» хочуць зрабіць да канца года
За невялікую плату тут можна будзе пакінуць аўтамабіль і працягнуць шлях на грамадскім транспарце.
Перахопную аўтастаянку ў раёне скрыжавання вуліц Лейтэнанта Кіжаватава і Сярова плануюць увесці ў эксплуатацыю да канца гэтага года. Пра гэта Мінск-Навінам паведаміў генеральны дырэктар дзяржаўнага аб'яднання «Гаражы, аўтастаянкі і паркоўкі» Андрэй Зыранаў.
— Аб'ект размешчаны на ўездзе ў горад, непадалёк ад станцыі метро «Слуцкі Гасцінец», што асабліва зручна для кіроўцаў, якія прыязджаюць з іншых населеных пунктаў, — удакладніў Андрэй Зыранаў. — За невялікую плату тут можна будзе пакінуць аўтамабіль і працягнуць шлях на грамадскім транспарце. Галоўная мэта такіх стаянак — разгрузіць гарадскія дарогі. Кіроўца эканоміць час і не стаіць у заторах, а ў сталіцы становіцца менш аўтамабіляў на вуліцах.
Плануецца, што аб'ект здадуць да канца года. Адначасова на пляцоўцы змогуць размясціцца 158 аўтамабіляў. Акрамя таго, тут абсталююць 15 электразарадных станцый, што стане істотнай перавагай для ўладальнікаў электрамабіляў.
Тэрыторыя будзе ахоўвацца. Тут укараняць аўтаматызаваную сістэму доступу па прыкладзе аўтастаянкі каля ЦУМа, дзе дзейнічае пагадзінная аплата.
Перахопныя аўтастаянкі размяшчаюцца паблізу буйных транспартных вузлоў. Тут можна пакінуць асабісты аўтамабіль і перасесці на грамадскі транспарт, ровар, сродкі персанальнай мабільнасці або працягнуць шлях пешшу.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары