Minski hadzińnikavy zavod pradstaviŭ novuju kalekcyju ŭ styli Kłoda Mane
Prezientavanyja čatyry varyjanty.
Minski hadzińnikavy zavod pradstaviŭ limitavanuju kalekcyju hadzińnikaŭ, pryśviečanuju tvorčaści francuzskaha mastaka Kłoda Mane. Sioleta spaŭniajecca 100 hadoŭ z dnia jaho śmierci, piša Onliner.by.
Novaja kalekcyja stała praciaham štohadovaj sieryi «Farby śvietu». Jaje asnovaj stali čatyry tvory Kłoda Mane. Na cyfierbłatach hadzińnikaŭ raźmieščany frahmienty karcin, pry hetym zachavany charakternaja kalarovaja palitra i mastacki nastroj aryhinałaŭ.
U kalekcyju ŭvajšli nastupnyja madeli:
- «Uražańnie. Uzychod sonca» (1872 hod),
- «Paruśnik u Pci-Žanvilje» (1874 hod),
- «Pali ciulpanaŭ u Hałandyi» (1886 hod),
- «Mys Ła-Eŭ u Sent-Adres» (1864 hod).
Jak paviedamili pradstaŭniki zavoda, korpus hadzińnikaŭ vyrableny ź nieržaviejučaj stali, madeli abstalavany sapfiravym škłom i japonskim kvarcavym miechanizmam Miyota 2035.
U kamplekcie da kožnaj madeli — dva ramieńčyki z naturalnaj skury: kłasičny adnatonny i ramieńčyk z mastackim pryntam, jaki paŭtaraje matyŭ abranaj karciny. Ich možna samastojna mianiać.
Nakład kožnaj z čatyroch madelaŭ składaje 300 asobnikaŭ. U papiarednija hady minskija hadzinščyki natchnialisia tvorami Vasila Kandzinskaha, Vinsenta van Hoha, Hustava Klimta i Marcirasa Sarjana.
Ciapier čytajuć
Łatvija «pa techničnych pryčynach» zakryła miažu ź Biełaruśsiu25
Kamientary