Pasažyrku matacykła, jakaja zahinuła ŭ avaryi pad Brestam, litaralna razarvała na častki
Ministerstva ŭnutranych spraŭ Biełarusi paviedamiła novyja padrabiaznaści avaryi sa śmiarotnym vynikam, jakaja adbyłasia ŭviečary 31 lipienia ŭ Breście na darozie ŭ napramku vioski Telmy.
Pavodle infarmacyi viedamstva, kiroŭcy matacykła Honda i aŭtamabila Audi zładzili chutkasny zajezd na ažyŭlenaj vulicy. U vyniku niebiaśpiečnych manieŭraŭ i značnaha pieravyšeńnia chutkaści matacykł sutyknuŭsia z mapiedam Viper, jaki ruchaŭsia ŭ tym ža kirunku.
U avaryi zahinuli try čałavieki — kiroŭca matacykła, jaho pasažyrka i kiroŭca mapieda. U MUS adznačyli, što ad udaru pasažyrka matacykła atrymała niesumiaščalnyja z žyćciom traŭmy — jaje cieła litaralna razarvała na niekalki častak.
Taksama ŭ ministerstvie paviedamili, što za apošnija dva dni ŭ Bresckaj vobłaści adbylisia šeść darožna-transpartnych zdareńniaŭ, u jakich piać čałaviek zahinuli i jašče piać atrymali traŭmy.
U suviazi sa składanaj situacyjaj na darohach ministr unutranych spraŭ Ivan Kubrakoŭ daručyŭ uzmacnić kantrol u rehijonie. U Bresckuju vobłaść nakiravanyja dadatkovyja ekipažy DAI, u tym liku motapatruli z Homielskaj i Hrodzienskaj abłaściej, a taksama supracoŭniki śpiecyjalnaha padraździaleńnia DPS «Strała».
Akramia taho, praz rost kolkaści ciažkich avaryj asabovy skład Dziaržaŭtainśpiekcyi pa ŭsioj krainie pieraviedzieny na ŭzmocnieny režym niasieńnia słužby.
U Breście sutyknulisia matacykł i mapied: zahinuli try čałavieki
«Vidać, nie vytrymali niervy». Kubrakoŭ zastupiŭsia za taksista-mihranta, jaki ŭdaryŭ pasažyrku
Kubrakoŭ zahadaŭ padnačalenym aktyŭniej zmahacca z matacyklistami
«Jaŭnym chulihanam na darozie nie miesca!» Kubrakoŭ apałčyŭsia na matacyklistaŭ
Kamientary
Hetyja dvukołavyja małaletnija dałbajaščary nie budut lotać?
...iašče i nievinavataha na toj śviet zabrali!...