«Jaŭnym chulihanam na darozie nie miesca!» Kubrakoŭ apałčyŭsia na matacyklistaŭ
Ministr unutranych spraŭ Ivan Kubrakoŭ zapatrabavaŭ uzmacnić adkaznaść dla matacyklistaŭ, jakija parušajuć praviły darožnaha ruchu.
Padčas instruktažu supracoŭnikaŭ DAI Kubrakoŭ adznačyŭ, što z nadychodam viasny ŭ krainie tradycyjna pačynajecca motasiezon, i na darohach źjaŭlajecca šmat matacykłaŭ — ciapier ich zarehistravana kala 450 tysiač.
Jon padkreśliŭ, što supracoŭniki DAI pavinny być hatovyja stroha kantralavać situacyju. Asablivuju ŭvahu jon źviarnuŭ na nieabchodnaść vykanańnia chutkasnaha režymu i adkaznaści z boku kiroŭcaŭ.
Pavodle jaho słoŭ, da tych, chto pavodzić siabie ahresiŭna i parušaje paradak na darozie, treba prymianiać samyja žorstkija miery:
«Jaŭnym chulihanam na darozie nie miesca! Da ich nieabchodna prymianiać samyja žorstkija miery reahavańnia, až da pazbaŭleńnia prava kiravańnia i kanfiskacyi motatranspartu zhodna z zakanadaŭstvam».
Kamientary