U Biełarusi razbłytvajuć zahadkavaje złačynstva — stvorany sajt dla dapamohi ŭ rasśledavańni
Rasśledujecca zabojstva nieviadomaj žančyny, cieła jakoj znajšli ŭ lasnym masivie Lepielskaha rajona ŭ krasaviku 2026 hoda. Padzialicca infarmacyjaj pra hetaje złačynstva možna praź śpiecyjalny sajt, piša «Minsk-Naviny» sa spasyłkaj na Śledčy kamitet.
Papiarednie ŭstanoŭlena, što śmierć žančyny nosić kryminalny charaktar. Dla vyśviatleńnia abstavin taho, što adbyłosia, asoby achviary i złačyncy, praciahvajucca śledčyja dziejańni. Da zboru infarmacyi dałučylisia vałanciory, jakija stvaryli admysłovy sajt rozysk.by.
Na hetym internet-resursie buduć raźmiaščać danyja pra chod rasśledavańnia kryminalnaj spravy i novyja abstaviny. Na sajcie taksama jość forma zvarotnaj suviazi — praź jaje možna ananimna paviedamić źviestki pra złačynstva.
Pakul nieviadomy navat uzrost žančyny, na sajcie paznačana, što joj mahło być ad 18 da 40 hadoŭ, rost — kala 170 sm. Jana była siaredniaha ciełaskładu, mieła ciomnyja vałasy, mahčyma, pafarbavanyja ŭ kaštanavy abo rudy koler, daŭžynioj nie mienš za 40 sm.
Kamientary