82‑hadovaja amierykanskaja babula dabiłasia, kab u damach sastarełych padavali ałkahol
Papraŭka ŭ zakon atrymała nazvu «ščaślivaja hadzina dla babul i dziadulaŭ».
82‑hadovaja Anita Lebrun žyvie ŭ domie dla sastarełych Amira Choice Champlin u horadzie Čamplin (štat Miniesota, ZŠA). U sakaviku Lebrun vystupiła pierad zakanadaŭcami štata z prapanovaj, kab damam dla sastarełych i padobnym ustanovam dazvolili padavać ałkahol padčas mierapryjemstvaŭ dla žycharoŭ.
Babula piaci ŭnukaŭ śćviardžała, što ludzi starejšaha vieku nie musiać stračvać štodzionnyja radaści prosta praz toje, dzie jany žyvuć, piša People.
Prapanavanaja papraŭka była ŭchvalenaja ŭ sakaviku i nabudzie moc u štacie sa žniŭnia.
Raniej žycharam dazvalałasia ŭžyvać ałkahol u svaich pakojach, ale ŭstanovy nie mieli zakonnaha prava padavać ałkaholnyja napoi padčas supolnych sustreč. Na dumku Lebrun, heta pazbaŭlała ludziej bazavaj svabody — dušeŭna pahutaryć ź siabrami za kielicham vina.
Jana dadała, što takija sustrečy za čarkaj dajuć žycharam mahčymaść padtrymlivać sacyjalnyja suviazi ŭ pieryjad, jaki jana apisała jak «załaty etap našaha žyćcia».
Prablema ŭpieršyniu vypłyła na pavierchniu, kali piersanał Amira Choice pasprabavaŭ arhanizavać pryjom dla žycharoŭ paśla rekanstrukcyi budynka. Adnak nieŭzabavie vyśvietliłasia, što jany nie mohuć pravieści «ščaślivuju hadzinu» biez atrymańnia licenzii na prodaž ałkaholu.
Kamientary