82‑гадовая амерыканская бабуля дабілася, каб у дамах састарэлых падавалі алкаголь
Папраўка ў закон атрымала назву «шчаслівая гадзіна для бабуль і дзядуляў».
82‑гадовая Аніта Лебрун жыве ў доме для састарэлых Amira Choice Champlin у горадзе Чамплін (штат Мінесота, ЗША). У сакавіку Лебрун выступіла перад заканадаўцамі штата з прапановай, каб дамам для састарэлых і падобным установам дазволілі падаваць алкаголь падчас мерапрыемстваў для жыхароў.
Бабуля пяці ўнукаў сцвярджала, што людзі старэйшага веку не мусяць страчваць штодзённыя радасці проста праз тое, дзе яны жывуць, піша People.
Прапанаваная папраўка была ўхваленая ў сакавіку і набудзе моц у штаце са жніўня.
Раней жыхарам дазвалялася ўжываць алкаголь у сваіх пакоях, але ўстановы не мелі законнага права падаваць алкагольныя напоі падчас супольных сустрэч. На думку Лебрун, гэта пазбаўляла людзей базавай свабоды — душэўна пагутарыць з сябрамі за келіхам віна.
Яна дадала, што такія сустрэчы за чаркай даюць жыхарам магчымасць падтрымліваць сацыяльныя сувязі ў перыяд, які яна апісала як «залаты этап нашага жыцця».
Праблема ўпершыню выплыла на паверхню, калі персанал Amira Choice паспрабаваў арганізаваць прыём для жыхароў пасля рэканструкцыі будынка. Аднак неўзабаве высветлілася, што яны не могуць правесці «шчаслівую гадзіну» без атрымання ліцэнзіі на продаж алкаголю.
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе15
Каментары