На мінулым тыдні прыпынілі прыём заявак на італьянскія візы, а пазней аднавілі, але не для ўсіх. Цяпер турфірмам агучылі новыя правілы, як будуць выдаваць шэнген італьянцы.
Складанасці з італьянскімі візамі распачалася 15 верасня — тады прыпынілі прыём заявак на іх праз візавы цэнтр VFS. Незадоўга да таго стала вядома, што мужчына з Беларусі з расійскім пашпартам, які якраз атрымаў шэнген у італьянскім пасольстве ў Мінску, аказаўся адным з падазраваных у дыверсіі ў аэрапорце Лейпцыга.
Пазней аказалася, што тураператары дагэтуль працягваюць запісваць на італьянскія візы, а перамены датычаць толькі індывідуальных турыстаў. 21 верасня ў візавым цэнтры Італіі ў Мінску зладзілі сустрэчу акрэдытаваных турфірмаў з прадстаўнікамі пасольства і візавага цэнтра, дзе патлумачылі, як цяпер будуць выдаваць візы.
Што новага ў правілах? Адзін з тураператараў дзеліцца, што цяпер падацца на італьянскі шэнген можна будзе толькі праз стандартны запіс на сайце VFS, а жывой чаргі больш не будзе. Таксама Італія пастрожыць падыход да выдачы віз — шэнгены будуць выдаваць выключна пад канкрэтную паездку і пацверджаныя мэты.
Візавая экспертка дапаўняе, што запіс у ліст чакання пакуль спынены. Невядома, калі яго адновяць — магчыма, гэта адбудзецца, калі апрацуюць усе ўжо наяўныя заяўкі. Але, ўпэўнівае экспертка, усё будзе добра:
«Візы выдаюць і будуць выдаваць. Пытанне, якія, мы пакуль не абмяркоўваем, гэта пакажа толькі час».
Іншая візавая экспертка піша ў сацсетках, што да Новага года месцы ў аператараў пад італьянскія туры будуць скарочаныя, ды і на на тое, што ў 2027‑м нешта палепшыцца, не даводзіцца спадзявацца.
Верагодней за ўсё, лічыць экспертка, што ранейшай шчодрай выдачы візаў ад італьянскага пасольства больш не будзе.
«Наша Нiва» — бастыён беларушчыны
ПАДТРЫМАЦЬЦяпер чытаюць
Дэпутат Клішэвіч стаў кандыдатам гістарычных навук з дысертацыяй пра разлажэнне беларускага камсамола ў часы «перабудовы»4
Каментары
ну гэта канешне ж вялікая перашкода для іх