Амбасада не адказвала, таму сям'я Святланы Курс сама шукала спосаб перавезці яе прах
З’явіліся падрабязнасці таго, як удалося перавезці прах беларускай пісьменніцы і журналісткі Святланы Курс з Польшчы на радзіму, у Беларусь. Сям’я развязвала гэтае пытанне без удзелу дыпламатаў, піша «Белсат».
Як сталася вядома «Белсату», родныя пісьменніцы звярнуліся ў Бюро апекі над магіламі замежнікаў (Bongo), якое ўзяло на сябе афармленне ўсіх дакументаў. Паралельна сям’я беспаспяхова спрабавала звязацца з беларускай амбасадай — у выніку ўсё давялося рабіць без яе ўдзелу.
Урна з прахам ехала ў адным транспарце разам з целамі іншых нябожчыкаў: акрамя яе, у машыне было і некалькі трунаў. У Bongo тлумачаць, што труны звычайна прыцягваюць значна больш увагі і патрабуюць больш строгіх праверак і фармальнасцяў. Менавіта працаўнікі фірмы перавезлі урну праз мяжу і даставілі яе ў родную вёску Святланы на Любаншчыне.
Пахаванне адбылося 22 жніўня. На ім прысутнічала няшмат людзей — найбліжэйшыя сваякі. Улады былі катэгарычна супраць любой публічнай падзеі.
Пісьменніцу і журналістку пахавалі ў Любанскім раёне, яе магіла — у вёсцы Баянічы, дзе яна нарадзілася. Паводле волі Святланы Курс цела крэміравалі, на агульным развітанні ў Варшаве прысутнічала урна з прахам.
Святлана Курс пайшла з жыцця 19 ліпеня 2026 года ў Варшаве пасля гадавой барацьбы з анкалагічнай хваробай. Увесну 2025‑га яна паведаміла, што ў яе дыягнаставалі рак яечнікаў на позняй стадыі.
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў7
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1818
Каментары