На ААТ «Белшына» распрацоўваюць новыя шыны для электрамабіляў. Прадпрыемства плануе запусціць іх у серыйную вытворчасць да лютага 2027 года. Пра гэта sb.by паведаміў дырэктар завода масавых шын Юрый Русецкі.
Паводле слоў Русецкага, прадпрыемства пастаянна ўдасканальвае канструкцыйныя характарыстыкі сваёй прадукцыі. Цяпер спецыялісты працуюць над шынай для электрамабіляў, пры распрацоўцы якой неабходна забяспечыць шэраг вызначаных канструкцыйных параметраў.
Плануецца выпускаць шыны дыяметрам 19 і 20 цаляў. Звычайна распрацоўка новай мадэлі і падрыхтоўка яе да серыйнай вытворчасці займаюць каля паўгода. Таму на прадпрыемстве разлічваюць да лютага 2027 года асвоіць вытворчасць новых шын і запусціць іх у серыю. Для «Белшыны» гэта будзе новым напрамкам, а вынік залежыць ад працы канструктараў.
Юрый Русецкі таксама паведаміў, што за апошнія дзесяць гадоў прадпрыемства асвоіла выпуск больш чым 60 новых мадэляў шын для легкавога і грузавога транспарту.
Цяпер «Белшына» выпускае больш за 200 тыпамадэляў шын, з якіх 120 прызначаныя для легкавых аўтамабіляў. На прадпрыемстве працуе 1540 чалавек, вытворчасць вядзецца кругласутачна.
Доля «Белшыны» на ўнутраным рынку за апошнія гады таксама вырасла. Калі раней яна не перавышала 25%, то цяпер, паводле слоў дырэктара завода, наблізілася да 50%.
Цяпер чытаюць
Статкевіч апублікаваў фоты іх новага з Марынай Адамовіч дома3
Статкевіч апублікаваў фоты іх новага з Марынай Адамовіч дома
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1010
Каментары