U kabiniet hiniekołaha homielskaj palikliniki padčas ahladu žančyny zajšoŭ mužčyna-inžynier — ale vymovu zrabili nie jamu
Doktarka-hiniekołah Anastasija Dupak raspaviała, jak žadańnie abaranić pryvatnaść pacyjentki pryviało da jaje zvalnieńnia z palikliniki.
«Akazałasia, što najaŭnaść inžyniera-mužčyny pry praviadzieńni vahinalnaha UHD žančynie — heta norma. A toje, što ja jaho vyhnała — heta zryŭ jaho pracoŭnaha rasparadku».
Kazus razharnuŭsia ŭ ścienach Homielskaj haradskoj palikliniki. Pa słovach hiniekołaha, jana prymała ŭ svaim kabiniecie pacyjentku, jak tudy ŭvarvaŭsia inžynier z namieram pravieści płanavaje techabsłuhoŭvańnie aparata UHD.
«Mianie nichto nie papiaredziŭ pra jaho vizit. Prapanovaŭ pierajści ŭ inšy kabiniet nie prahučała. I kali ja praviała inžyniera za dźviery i zamknuła ich, i akušerka i inžynier pačali hrukać u ich i aburacca: «Jak? Jana jašče i dźviery zamknuła?», — raskazvaje ŭ sacsietkach Anastasija, jakaja ŭ vyniku zvolniłasia z palikliniki. Jana nie zachacieła praciahvać pracu tam, dzie nie zmahła damahčysia bieražlivaha staŭleńnia da svaich pacyjentak.
Namieśnica hałoŭnaha doktara Homielskaj centralnaj haradskoj kliničnaj palikliniki Śviatłana Litvinienka ŭ kamientary dziaržaŭnaj haziecie apisała svaju viersiju padziej.
«Vizit inžyniera nie byŭ siurpryzam dla doktara, jaje apaviaščali pra heta zahadzia. Śpiecyjalist pa ramoncie čakaŭ u kabiniecie staršaj akušerki, i kali z kabinieta, dzie znachodziłasia patrebnaje jamu dla absłuhoŭvańnie abstalavańnie, vyjšła pacyjentka, techniku pieranieśli ŭ inšaje pamiaškańnie dla praviadzieńnia patrebnych prac. Patłumačyli, što ŭ vypadku, kali praca zaciahniecca, treba budzie pierajści ŭ inšy kabiniet na anałahičny aparat, ale doktarka navat tearetyčna nie chacieła hetaha rabić. Ramont aparata zaniaŭ kala 10 chvilin, paśla čaho jon viarnuŭsia na svajo miesca».
Na dumku Śviatłany Litvinienki, hiniekołah takim čynam, mahčyma, zachacieła pryciahnuć da siabie ŭvahu.
U kamientarach Threads, dzie abmiarkoŭvajecca historyja, ludzi ščyra ździŭlajucca, što kiraŭnictva palikliniki zaniało bok inžyniera, a nie kalehi. Z doktarkaj, da taho ž, była praviedzienaja pavučalnaja razmova.
«Kiraŭnictva davodziła, što inžynier pryjechaŭ na adzin dzień i nie moža padładžvacca pad mianie. Maŭlaŭ, treba było addać jamu ŭsie aparaty i vyjści. Ja sprabavała patłumačyć, što ŭ mianie pacyjentka na vahinalnym UHD, a jon uryvajecca i dźviery naroschryst, ale mnie adkazali «Vy nie majecie racyi».
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ33
Kamientary
Jašče i doktara zvolnili. Ciapier čarha na UHD raściahniecca z 2-3 miesiacaŭ na poŭhoda.
Tym samym parušajučy pravy jašče i inšych pacyjentak, jakija zastalisia bieź lekara.