У кабінет гінеколага гомельскай паліклінікі падчас агляду жанчыны зайшоў мужчына-інжынер — але вымову зрабілі не яму
Доктарка-гінеколаг Анастасія Дупак распавяла, як жаданне абараніць прыватнасць пацыенткі прывяло да яе звальнення з паліклінікі.
«Аказалася, што наяўнасць інжынера-мужчыны пры правядзенні вагінальнага УГД жанчыне — гэта норма. А тое, што я яго выгнала — гэта зрыў яго працоўнага распарадку».
Казус разгарнуўся ў сценах Гомельскай гарадской паліклінікі. Па словах гінеколага, яна прымала ў сваім кабінеце пацыентку, як туды ўварваўся інжынер з намерам правесці планавае тэхабслугоўванне апарата УГД.
«Мяне ніхто не папярэдзіў пра яго візіт. Прапановаў перайсці ў іншы кабінет не прагучала. І калі я правяла інжынера за дзверы і замкнула іх, і акушэрка і інжынер пачалі грукаць у іх і абурацца: «Як? Яна яшчэ і дзверы замкнула?», — расказвае ў сацсетках Анастасія, якая ў выніку звольнілася з паліклінікі. Яна не захацела працягваць працу там, дзе не змагла дамагчыся беражлівага стаўлення да сваіх пацыентак.
Намесніца галоўнага доктара Гомельскай цэнтральнай гарадской клінічнай паліклінікі Святлана Літвіненка ў каментары дзяржаўнай газеце апісала сваю версію падзей.
«Візіт інжынера не быў сюрпрызам для доктара, яе апавяшчалі пра гэта загадзя. Спецыяліст па рамонце чакаў у кабінеце старшай акушэркі, і калі з кабінета, дзе знаходзілася патрэбнае яму для абслугоўванне абсталяванне, выйшла пацыентка, тэхніку перанеслі ў іншае памяшканне для правядзення патрэбных прац. Патлумачылі, што ў выпадку, калі праца зацягнецца, трэба будзе перайсці ў іншы кабінет на аналагічны апарат, але доктарка нават тэарэтычна не хацела гэтага рабіць. Рамонт апарата заняў каля 10 хвілін, пасля чаго ён вярнуўся на сваё месца».
На думку Святланы Літвіненкі, гінеколаг такім чынам, магчыма, захацела прыцягнуць да сябе ўвагу.
У каментарах Threads, дзе абмяркоўваецца гісторыя, людзі шчыра здзіўляюцца, што кіраўніцтва паліклінікі заняло бок інжынера, а не калегі. З доктаркай, да таго ж, была праведзеная павучальная размова.
«Кіраўніцтва даводзіла, што інжынер прыехаў на адзін дзень і не можа падладжвацца пад мяне. Маўляў, трэба было аддаць яму ўсе апараты і выйсці. Я спрабавала патлумачыць, што ў мяне пацыентка на вагінальным УГД, а ён урываецца і дзверы наросхрыст, але мне адказалі «Вы не маеце рацыі».
Цяпер чытаюць
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца3
Каментары
Яшчэ і доктара звольнілі. Цяпер чарга на УГД расцягнецца з 2-3 месяцаў на поўгода.
Тым самым парушаючы правы яшчэ і іншых пацыентак, якія засталіся без лекара.