Прычым перад «злачынствам» ён патэлефанаваў у паліцыю і ўдакладніў, што яму будзе.
У Таліне мужчына пранік у чужую кватэру, каб вярнуць свайго ката, якога яму адмовіліся аддаваць пасля часовай ператрымкі, піша Postimees.
Ката раней знайшлі валанцёры Cats Help і перадалі жанчыне на ператрымку. Калі гаспадар знайшоў свайго гадаванца, жанчына адмовілася яго аддаваць, а пазней паведаміла ў сацыяльных сетках, што жывёла нібыта знікла. Тады мужчына вырашыў забраць ката самастойна.
Перад гэтым ён патэлефанаваў у паліцыю, распавёў пра свой план і спытаў, якое пакаранне яму можа пагражаць.
Ён адчыніў прыадчыненае акно кватэры, але сам залазіць унутр не стаў. Замест гэтага прапанаваў выпадковаму мінаку бутэльку гарэлкі, каб той дастаў ката.
Паліцыя распачала крымінальную справу, аднак пазней пракуратура яе спыніла, палічыўшы віну мужчыны нязначнай.
Цяпер яму давядзецца заплаціць 152 еўра за пашкоджанае акно.
Ну а кот застаўся ў мужчыны.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары