Расійскі дрон ударыў па Паўднёвым мосце ў Кіеве, калі па ім ехаў цягнік метро.
Беспілотнік трапіў у агароджу каля праезнай часткі, пасля чаго на мосце пачаўся пажар.
Выбух адбыўся непасрэдна падчас руху цягніка метро па перагоне моста. Паведамляецца, што падчас руху па мосце пасажыры пачулі магутны выбух і ўбачылі яркую ўспышку. Адразу пасля гэтага ў вагонах з'явіўся дым, а праз вентыляцыйную сістэму паляцеў попел.
Машыніст паскорыў цягнік, даехаў да правага берага і высадзіў пасажыраў. Пацярпелых няма. Як паведамляюць украінскія СМІ, у адным з вагонаў выбіла вокны.
Мэр Кіева Віталь Клічко ўдакладніў, што каля апорнай часткі Паўднёвага моста ўдарылі два дроны. Рух метро і наземнага грамадскага транспарту па ім спынены.
Гэта ўжо другі ўдар па Паўднёвым мосце за некалькі дзён: 29 верасня на яго ўпалі абломкі расійскага дрона, пасля чаго рух часова абмяжоўвалі.
Спецыялісты абследавалі стан канструкцыі пасля прылётаў і прыйшлі да высновы, што яна выстаяла.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак7
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары