Сейм Латвіі канчаткова абмежаваў вяшчанне грамадскіх медыя на рускай мове
З 1 студзеня грамадскія СМІ ў Латвіі змогуць весці вяшчанне на рускай мове толькі ў выключных выпадках.
Сейм Латвіі ў канчатковым чытанні абмежаваў вяшчанне грамадскіх медыя на рускай мове, паведамляе «Волна».
З 1 студзеня кантэнт на мовах меншасцяў, прызнаных «самадастатковымі», у тым ліку рускамоўны, можна будзе распаўсюджваць толькі ў выпадку надзвычайнай сітуацыі або для абвяржэння дэзынфармацыі.
Як заявіла член праўлення LSM Ева Айле: «Кантэнту на рускай мове наогул не будзе, за выключэннем вельмі рэдкіх выпадкаў. Калі з'явіцца дэзынфармацыя — ілжывая, якая ўводзіць у зман інфармацыя пра геапалітычную сітуацыю, якая пагражае дэмакратыі і латвійскай дзяржаве ў цэлым, — партал LSM зможа падрыхтаваць нейкі кантэнт на рускай мове. Распаўсюджваць яго, хутчэй за ўсё, будуць праз староннія платформы і сацыяльныя сеткі, і толькі. Мы заклікаем аўдыторыю спрабаваць перайсці на кантэнт на латышскай мове».
Паводле слоў Айле, частка супрацоўнікаў будзе звольненая.
«Над кантэнтам на рускай мове ў нас працуюць больш за дзесяць чалавек: яны адаптуюць навіны, робяць вячэрні выпуск навін. Гэтыя змены, на жаль, закрануць і іх», — сказала яна.
Пры гэтым член праўлення LSM не ведае, колькі спажыўцоў рускамоўнага кантэнту пяройдзе на латышскамоўны.
«Паводле нашых даных, пасля рашэння закрыць радыёстанцыю Латвійскае радыё 4 — «Домская плошча» — мы страцілі прыкладна 90 000 слухачоў з ліку меншасцяў. Статыстыка партала LSM.lv сведчыць пра тое, што за год колькасць чытачоў навін на рускай мове скарацілася прыкладна на траціну. Прыкметнай тэндэнцыі да таго, што аўдыторыя меншасцяў перайшла на кантэнт на латышскай мове, не назіраецца. У той жа час SEPLP патрабуе ад нас павялічваць ахоп, асабліва сярод меншасцяў і моладзі. Гэта будзе больш чым складана: істотна змяніць медыйныя звычкі за кароткі тэрмін немагчыма».
У сакавіку Канстытуцыйны суд Латвіі пастанавіў, што грамадскія медыя павінны перагледзець сваю моўную палітыку. У агульным выглядзе рэкамендацыі такія: латышская — асноўная мова, да моў меншасцяў — павага, аднак руская — мова самадастатковай меншасці, і на ёй існуюць камерцыйныя медыя, таму развіваць вяшчанне на рускай мове ў грамадскіх СМІ не трэба.
-
Вэнс пачаў дыстанцыявацца ад Трампа пасля паразы рэспубліканцаў на выбарах і прасоўвае ўласны брэнд з прыцэлам на 2028 год
-
Параненых у Кракаве паліцыянтаў выратавалі два вядомыя хірургі: яны абедалі побач і кінуліся на дапамогу
-
Газ у Еўропе падаражэў утрая. Высокія рахункі могуць застацца яшчэ на некалькі гадоў
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку32
Каментары
Гэта тэкст са старокі бабарыканскай партыі Вместе.