U Hiermanii mužčyna «naniaŭ» ChatGPT u jakaści advakata. Jamu ŭdałosia vyjhrać spravu
41‑hadovy žychar Lejpcyha David Chinc zdoleŭ dabicca zakryćcia kryminalnaj spravy, vykarystaŭšy čat-bot u jakaści jurysta, piša BILD.
41‑hadovy supracoŭnik słužby biaśpieki David Chinc sutyknuŭsia z abvinavačvańniami ŭ machlarstvie. U 2023 hodzie jon vyjšaŭ na novuju pracu na tydzień raniej za zapłanavany termin. Choć Chinc paviedamiŭ pra heta słužbie zaniataści pa telefonie, jamu pamyłkova vypłacili lišniuju dapamohu pa biespracoŭi — na ahulnuju sumu 242,34 jeŭra. Heta i stała padstavaj dla abvinavačvańnia.
Prava na biaspłatnaha dziaržaŭnaha advakata abvinavačanamu nie pradstavili, a naniać pryvatnaha abaroncu było zanadta doraha, tamu Chinc vyrašyŭ abaraniać siabie sam — z dapamohaj ŠI.
ChatGPT patłumačyŭ jamu jurydyčnyja tonkaści pracesu, dapamoh skłaści piarečańnie i na praciahu tydnia pracavaŭ razam ź im nad 18‑staronkavym chadajnictvam pra pieraduziataść sudździ, jakoje ŭ vyniku było zadavolenaje. Spravu pieradali inšamu sudździ, i viadzieńnie pa joj paśla spynili. Jak mienavita ChatGPT paŭpłyvaŭ na vynik spravy — pytańnie adkrytaje.
Adnak daśledavańnie, praviedzienaje ŭ Stenfardzie, pakazvaje, što ŭ śfiery prava ŠI ŭžo prynosić karyść: vyśvietliłasia, što jurysty, jakija vykarystoŭvajuć ŠI-pamočnikaŭ, pracavali na 6% dakładniej i prykładna na 26% chutčej. ŠI zajmaŭsia pošukam dokazaŭ i ŭkazvaŭ na mahčymyja pamyłki, adnak kančatkovyja rašeńni zastavalisia za ludźmi.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary