Zialenski: Tempy pieradačy Ukrainie rakiet da Patriot sioleta skaracilisia ŭ try razy
Pry hetym u partnioraŭ na składach usio jašče zastajucca hetyja bojeprypasy, kaža prezident Ukrainy.
Sioleta va Ukrainu značna skaracilisia pastaŭki supraćbalistyčnych rakiet ad partnioraŭ. Pra heta paviedamiŭ prezident Ukrainy Uładzimir Zialenski, piša UNIAN.
«Kolkaść rakiet dla supraćpavietranaj abarony ŭ pastaŭkach skaraciłasia ŭ try razy, kali paraŭnoŭvać z 2025 hodam. I havorka idzie nie tolki pra letni pieryjad, a pra ŭsie pieryjady pieršaha paŭhodździa 2026 hoda. Rakiety ŭ partnioraŭ jość. Važna, kab usio ž byli pryniatyja nieabchodnyja palityčnyja rašeńni adnosna pastavak i paskareńnia vytvorčych pracesaŭ, u tym liku łakalizacyi va Ukrainie. Heta toje, što moža istotna padtrymać nie tolki našu krainu, ale i hłabalnuju abaronu žyćcia», — skazaŭ Zialenski pa vynikach sustrečy z ukrainskimi vajskoŭcami.
Prezident taksama dadaŭ, što abmierkavaŭ z vajskoŭcami i śpiecsłužbami pryjarytety adnosna dalokich udaraŭ pa Rasii.
«Praciahvajucca apieracyi suprać rasijskich naftavych abjektaŭ i pierapracoŭki. Košt zaciahvańnia vajny dla ahresara budzie pavialičvacca. Važna, kab sankcyi partnioraŭ suprać Rasii ŭzmacniali našy mahčymaści dalokaha ŭździejańnia. Budziem havaryć pra heta z klučavymi dziaržavami. Jość rečy, jakija varta dadatkova realizavać u sankcyjnaj palitycy», — dadaŭ Zialenski.
Raniej Financial Times paviedamiła, što Donald Tramp admoviŭ Zialenskamu ŭ prośbie pieradać Ukrainie sotni rakiet da sistem Patriot. Kiraŭnik Biełaha doma patłumačyŭ heta rašeńnie niedachopam supraćbalistyčnych rakiet na składach u ZŠA, a taksama nieabchodnaściu ich vykarystańnia amierykanskimi vojskami na Blizkim Uschodzie.
Adznačajecca, što padčas čarhovaj balistyčnaj ataki Rasii ŭ noč na 5 žniŭnia rasijskija vojski vykarystali amal try dziasiatki rakiet. Pavodle danych Pavietranych sił Ukrainy, ukrainskija abaroncy nie źbili nivodnaj ź ich.
-
Pad Jekaciarynburham padarvali mašynu dyrektara zavoda pa vytvorčaści dronaŭ. Jon u reanimacyi
-
«Ja trymaŭ dźvie hałoŭki časnaku, a jon lacieŭ za mnoj». Pradaviec z Chiersona raskazaŭ, jak za im haniaŭsia rasijski dron
-
U vyniku ŭdaru pa Kijevie zahinuli 17 čałaviek, 44 paranienyja. Najbolš achviar — ludzi, jakija čakali ciahnik
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje9
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary