Зяленскі: Тэмпы перадачы Украіне ракет да Patriot сёлета скараціліся ў тры разы
Пры гэтым у партнёраў на складах усё яшчэ застаюцца гэтыя боепрыпасы, кажа прэзідэнт Украіны.
Сёлета ва Украіну значна скараціліся пастаўкі супрацьбалістычных ракет ад партнёраў. Пра гэта паведаміў прэзідэнт Украіны Уладзімір Зяленскі, піша УНІАН.
«Колькасць ракет для супрацьпаветранай абароны ў пастаўках скарацілася ў тры разы, калі параўноўваць з 2025 годам. І гаворка ідзе не толькі пра летні перыяд, а пра ўсе перыяды першага паўгоддзя 2026 года. Ракеты ў партнёраў ёсць. Важна, каб усё ж былі прынятыя неабходныя палітычныя рашэнні адносна паставак і паскарэння вытворчых працэсаў, у тым ліку лакалізацыі ва Украіне. Гэта тое, што можа істотна падтрымаць не толькі нашу краіну, але і глабальную абарону жыцця», — сказаў Зяленскі па выніках сустрэчы з украінскімі вайскоўцамі.
Прэзідэнт таксама дадаў, што абмеркаваў з вайскоўцамі і спецслужбамі прыярытэты адносна далёкіх удараў па Расіі.
«Працягваюцца аперацыі супраць расійскіх нафтавых аб’ектаў і перапрацоўкі. Кошт зацягвання вайны для агрэсара будзе павялічвацца. Важна, каб санкцыі партнёраў супраць Расіі ўзмацнялі нашы магчымасці далёкага ўздзеяння. Будзем гаварыць пра гэта з ключавымі дзяржавамі. Ёсць рэчы, якія варта дадаткова рэалізаваць у санкцыйнай палітыцы», — дадаў Зяленскі.
Раней Financial Times паведаміла, што Дональд Трамп адмовіў Зяленскаму ў просьбе перадаць Украіне сотні ракет да сістэм Patriot. Кіраўнік Белага дома патлумачыў гэта рашэнне недахопам супрацьбалістычных ракет на складах у ЗША, а таксама неабходнасцю іх выкарыстання амерыканскімі войскамі на Блізкім Усходзе.
Адзначаецца, што падчас чарговай балістычнай атакі Расіі ў ноч на 5 жніўня расійскія войскі выкарысталі амаль тры дзясяткі ракет. Паводле даных Паветраных сіл Украіны, украінскія абаронцы не збілі ніводнай з іх.
Цяпер чытаюць
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі13
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі
Адвакат Аляксандр Данілевіч: Мяне адвялі ў клетку на КПП і зачыталі ўказ для службовага карыстання пра памілаванне па просьбе Міжнароднага алімпійскага камітэта1010
Каментары