U Hdańsku kiroŭca aŭtobusa ź Biełarusi i rabočy vierfi z Ukrainy vyratavali pažyłuju paru ad napadnika
U Hdańsku kiroŭca haradskoha aŭtobusa ź Biełarusi i rabočy sudabudaŭničaj vierfi z Ukrainy pryjšli na dapamohu pažyłym sužencam, na jakich napaŭ ahresiŭny mužčyna. Jany akazali paciarpiełym dapamohu i ŭtrymlivali napadnika da pryjezdu palicyi, piša Trojmiasto.online.
Incydent zdaryŭsia ŭ lipieni. Pažyłaja para kiravałasia ŭ balnicu na abśledavańnie, kali na ich napaŭ nieviadomy mužčyna. Jon udaryŭ žančynu butelkaj pa hałavie, a jaje muža šturchnuŭ na prajeznuju častku.
Śviedkam napadu staŭ Rusłan, rabočy sudabudaŭničaj vierfi z Ukrainy. Jon pieršym kinuŭsia na dapamohu. Da jaho dałučyŭsia Barys Maćviajčuk — kiroŭca haradskoha aŭtobusa, jaki pryjechaŭ u Polšču ź Biełarusi.
Mužčyny nie tolki dapamahli paciarpiełym, ale i zatrymali napadnika da pryjezdu palicyi.
Barys Maćviajčuk pracuje kiroŭcam aŭtobusa №283. Maršrut prachodzić pobač z Univiersiteckim kliničnym centram, tamu im časta karystajucca pacyjenty balnicy.
Paśla zdareńnia pani Hražyna, paciarpiełaja žančyna, źviazałasia z transpartnaj kampanijaj GAiT i paprasiła pieradać Barysu padziaku ad siabie i muža. U liście jana vykazała jamu hłybokuju pavahu za dapamohu i čałaviečy ŭčynak.
Maćviajčuk pracuje ŭ GAiT kala dvuch hadoŭ. U Polšču jon pryjechaŭ ź Biełarusi ŭ 2015 hodzie. Niekatory čas žyŭ u Šviecyi, adnak paźniej vyrašyŭ spynicca ŭ Trujmiaście, kudy raniej pierajechaŭ jaho brat.
Da pracy ŭ GAiT Barys zajmaŭsia budaŭničym biznesam i aŭtamajsterniami.
Pavodle słoŭ mužčyny, padčas surazmoŭja ŭ GAiT jaho spytali, jak jon budzie pavodzić siabie ŭ stresavaj situacyi. Tady jon nie zmoh adrazu dać hatovy adkaz. Ciapier, kaža Barys, adkaz jon daŭ svaim učynkam.
Niadaŭna Maćviajčuk atrymaŭ polskaje hramadzianstva.
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»8
Kamientary
A našamu biełarusu i ŭkraincu pavaha, što dapamahli ŭtajmavać napadnika.
źviarniciesia u Lihu Abarony Pracaŭnikoŭ Botafierm, moža tam dapamohuć.