«Vidać, nie vytrymali niervy». Kubrakoŭ zastupiŭsia za taksista-mihranta, jaki ŭdaryŭ pasažyrku
Ministr unutranych spraŭ Biełarusi Ivan Kubrakoŭ vykazaŭsia nakont kanfliktu pamiž kiroŭcam taksi i dźviuma pasažyrkami ŭ Minsku, videa jakoha 23 lipienia šyroka razyšłosia ŭ internecie.
Jak raniej paviedamlałasia, dziaŭčyna razam ź siabroŭkaj paprasiła kiroŭcu zrabić muzyku cišej. Paśla hetaha pamiž bakami ŭźnikła svarka, padčas jakoj kiroŭca ŭdaryŭ pasažyrku dałońniu pa tvary.
Supracoŭniki staličnaj milicyi chutka ŭstanavili asobu kiroŭcy. Vyśvietliłasia, što jon źjaŭlajecca zamiežnym hramadzianinam, vučycca ŭ adnoj ź biełaruskich vyšejšych navučalnych ustanoŭ i padpracoŭvaje ŭ taksi. Pavodle źviestak MUS, mužčyna pryznaŭ svaju vinu i raskajaŭsia. Jon taksama zajaviŭ, što dziaŭčyna adrazu paviedamiła jamu, što źjaŭlajecca błohierkaj.
«Akazvajecca, usiu darohu, pakul jany jechali, jany zdymali hetaha chłopca na mabilny telefon, ruskuju movu jon nie zusim dobra viedaje i niekalki razoŭ paprasiŭ prybrać telefon. Paśla, vidać, nie vytrymali niervy, udaryŭ rukoj — chacieŭ vybić telefon», — raskazaŭ Kubrakoŭ.
Jon niaŭchvalna vykazaŭsia pra toje, što zamiest nieadkładnaha zvarotu ŭ milicyju pa numary 102 abo praz čat-bot viedamstva infarmacyja pra zdareńnie spačatku była apublikavana ŭ internecie.
Taksama Kubrakoŭ prakamientavaŭ šmatlikija zakliki ŭ sacyjalnych sietkach pakarać kiroŭcu, u tym liku departavać jaho abo pazbavić svabody. Jon śćviardžaje, što kožny padobny vypadak nieabchodna razhladać indyvidualna i tolki paśla poŭnaha vyśviatleńnia ŭsich abstavin.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali5
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra27
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary
I jeŝio, mientalitiet mihranta sovpadajet s mientalitietom krasaucau łukašienko, i tie, i tie - ČUŽIJE v Biełarusi i dla biełarusov.