«Відаць, не вытрымалі нервы». Кубракоў заступіўся за таксіста-мігранта, які ўдарыў пасажырку
Міністр унутраных спраў Беларусі Іван Кубракоў выказаўся наконт канфлікту паміж кіроўцам таксі і дзвюма пасажыркамі ў Мінску, відэа якога 23 ліпеня шырока разышлося ў інтэрнэце.
Як раней паведамлялася, дзяўчына разам з сяброўкай папрасіла кіроўцу зрабіць музыку цішэй. Пасля гэтага паміж бакамі ўзнікла сварка, падчас якой кіроўца ўдарыў пасажырку далонню па твары.
Супрацоўнікі сталічнай міліцыі хутка ўстанавілі асобу кіроўцы. Высветлілася, што ён з'яўляецца замежным грамадзянінам, вучыцца ў адной з беларускіх вышэйшых навучальных устаноў і падпрацоўвае ў таксі. Паводле звестак МУС, мужчына прызнаў сваю віну і раскаяўся. Ён таксама заявіў, што дзяўчына адразу паведаміла яму, што з'яўляецца блогеркай.
«Аказваецца, усю дарогу, пакуль яны ехалі, яны здымалі гэтага хлопца на мабільны тэлефон, рускую мову ён не зусім добра ведае і некалькі разоў папрасіў прыбраць тэлефон. Пасля, відаць, не вытрымалі нервы, ударыў рукой — хацеў выбіць тэлефон», — расказаў Кубракоў.
Ён няўхвальна выказаўся пра тое, што замест неадкладнага звароту ў міліцыю па нумары 102 або праз чат-бот ведамства інфармацыя пра здарэнне спачатку была апублікавана ў інтэрнэце.
Таксама Кубракоў пракаментаваў шматлікія заклікі ў сацыяльных сетках пакараць кіроўцу, у тым ліку дэпартаваць яго або пазбавіць свабоды. Ён сцвярджае, што кожны падобны выпадак неабходна разглядаць індывідуальна і толькі пасля поўнага высвятлення ўсіх абставін.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары
И ещё, менталитет мигранта совпадает с менталитетом красауцау лукашенко, и те, и те - ЧУЖИЕ в Беларуси и для беларусов.