Cichanoŭskaja: Nie viercie Pucinu. Nie viercie Łukašenku. I nie bojciesia ich
Demakratyčnaja lidarka vystupiła na adkryćci Forum 2000 u Prazie.
11 kastryčnika Śviatłana Cichanoŭskaja ŭziała ŭdzieł u mižnarodnaj kanfierencyi Forum 2000, jakaja štohod źbiraje ŭ Prazie palitykaŭ, pravaabaroncaŭ i pradstaŭnikoŭ hramadzianskaj supolnaści z roznych krain, paviedamlaje jaje pres-słužba.
Siarod udzielnikaŭ sioletniaha forumu — lidarka demakratyčnych siłaŭ Vieniesueły, łaŭreatka Nobieleŭskaj premii miru Maryja Karyna Mačada, a taksama pradstaŭniki demakratyčnych ruchaŭ Nikarahua, Tybietu, Mjanmy i Turcyi. U mierapryjemstvie taksama ŭdzielničaŭ staršynia Sienata Čechii Miłaš Vystrčył.
Padčas vystupu Śviatłana Cichanoŭskaja havaryła pra siłu salidarnaści, važnaść pieramohi Ukrainy, padtrymki palitviaźniaŭ i ŭsich, chto supraćstaić dyktaturam, a taksama pra nieabchodnaść adzinstva demakratyčnaha śvietu pierad ahulnymi pahrozami:
«Ja viedaju, jak ciažka zachoŭvać nadzieju, kali navokał stolki drennych navin. Ale dyktatary chočuć, kab my adčuvali siabie biaśsilnymi. Davajcie nie budziem davać im takoj radaści. Jeŭropa mocnaja dziakujučy svaim kaštoŭnaściam. Nikoli nie admaŭlajciesia ad ich. I nikoli nie niedaaceńvajcie ŭłasnuju siłu. Nie viercie Pucinu. Nie viercie Łukašenku. I nie bojciesia ich. Zastavajciesia adzinymi. Zastavajciesia ŭpeŭnienymi. Nie stračvajcie aptymizmu. Bo najvialikšy padarunak, jaki my možam zrabić dyktataram, — heta naš strach. A samaja vialikaja pahroza dla ich — naša mužnaść».
Forum 2000 zasnavali ŭ 1996 hodzie prezident Čechii Vacłaŭ Havieł, japonski fiłantrop Jochej Sasakava i nobieleŭski łaŭreat Eli Viziel. Jon praciahvaje spadčynu Havieła: padtrymlivaje demakratyju, pravy čałavieka i hramadzianskuju supolnaść, daje mahčymaść abmieńvacca dośviedam i damaŭlacca pra supracoŭnictva. Sioleta forum adznačaje 30-hodździe. U roznyja hady ŭdzielnikami kanfierencyi byli Dałaj-łama, Bił Klintan, Madlen Ołbrajt, Lech Valensa i Alaksandr Milinkievič.
Ciapier čytajuć
Były palitviazień znajšoŭ u Vilni padpracoŭku ŭ čacie — i trapiŭ pad kryminałku za pravakacyi suprać Ukrainy13
Kamientary
Tak, lepiej viercie i bojciesia Śvietłanu)