Cichanoŭskaja pieradała svaje pieršyja baksiorskija palčatki na dabračynny rozyhryš
Zrabiła jana heta pierad pačatkam futbolnaha turniru pamiaci Mikity Miełkaziorava, jaki siońnia prachodzić u Varšavie, piša «Trybuna».
Pierad pačatkam turniru Śviatłana Cichanoŭskaja pieradała svaje pieršyja baksiorskija palčatki na dabračynny rozyhryš.
Hod tamu ŭ prahramie «Žyćcio-malina» Cichanoŭskaja raskazała Mikitu Miełkazioravu, što pačała zajmacca boksam.
Jana tady paviedamiła, što ŭzimku 2024 hoda stała zajmacca boksam. Jana kaža, što jaje faktyčna pryvioŭ za ruku da treniera adzin čałaviek.
«Kazaŭ pasprabavać, bačačy, što ja ŭ takim i ciažkim psichałahičnym stanie, i mnie niama na što adciahnucca. Chadzić tam u kino pa barach, na kancerty, u restarany mnie nie chočacca, i ja nie ŭ takoj situacyi i sabie takoha nie dazvalaju. Ale voś pra sport ja zadumałasia. I mnie spadabałasia, spadabałasia toje, što tam možna abstrahavacca ad situacyi, nie praklinajučy siabie za toje, što ty robiš niešta niedarečnaje ŭ niejkim kantekście. I pačałosia ŭsio z boksu», — raskazvała Śviatłana Cichanoŭskaja.
Raniej futbolny turnir nasiŭ nazvu «Kubak Alaksandra Ivulina», jon byŭ zasnavany ŭ honar žurnalista Ivulina piać hadoŭ tamu:, kali toj akazaŭsia za kratami. Sioleta było vyrašana pieranazvać turnir u honar biełaruskaha žurnalista Mikity Miełkaziorava, jaki raptoŭna pamior u śniežni minułaha hoda.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
Ty do utrieńniej zari
V tiemnoj komnatie, Śvietłana,
Sny viesiełyje smotri. (s)