Ціханоўская перадала свае першыя баксёрскія пальчаткі на дабрачынны розыгрыш
Зрабіла яна гэта перад пачаткам футбольнага турніру памяці Мікіты Мелказёрава, які сёння праходзіць у Варшаве, піша «Трыбуна».
Перад пачаткам турніру Святлана Ціханоўская перадала свае першыя баксёрскія пальчаткі на дабрачынны розыгрыш.
Год таму ў праграме «Жыццё-маліна» Ціханоўская расказала Мікіту Мелказёраву, што пачала займацца боксам.
Яна тады паведаміла, што ўзімку 2024 года стала займацца боксам. Яна кажа, што яе фактычна прывёў за руку да трэнера адзін чалавек.
«Казаў паспрабаваць, бачачы, што я ў такім і цяжкім псіхалагічным стане, і мне няма на што адцягнуцца. Хадзіць там у кіно па барах, на канцэрты, у рэстараны мне не хочацца, і я не ў такой сітуацыі і сабе такога не дазваляю. Але вось пра спорт я задумалася. І мне спадабалася, спадабалася тое, што там можна абстрагавацца ад сітуацыі, не праклінаючы сябе за тое, што ты робіш нешта недарэчнае ў нейкім кантэксце. І пачалося ўсё з боксу», — расказвала Святлана Ціханоўская.
Раней футбольны турнір насіў назву «Кубак Аляксандра Івуліна», ён быў заснаваны ў гонар журналіста Івуліна пяць гадоў таму:, калі той аказаўся за кратамі. Сёлета было вырашана пераназваць турнір у гонар беларускага журналіста Мікіты Мелказёрава, які раптоўна памёр у снежні мінулага года.
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты5
Каментары
Ты до утренней зари
В темной комнате, Светлана,
Сны веселые смотри. (с)