Jak zrabić dron amal niabačnym? Navukoŭcy prapanavali niečakana prostaje rašeńnie
Amierykanskija daśledčyki stvaryli ekśpierymientalny dron, jaki padčas palotu stanovicca amal niezaŭvažnym. Dla hetaha im nie spatrebilisia ni śpiecyjalnaje pakryćcio, ni aptyčnyja chitryki.
Zvyčajna raspracoŭščyki imknucca zrabić drony mienš prykmietnymi z dapamohaj kamuflažu, śpiecyjalnych materyjałaŭ abo aptyčnych efiektaŭ. Ale daśledčyki z Paŭnočna-Zachodniaha ŭniviersiteta ZŠA vyrašyli pajści inšym šlacham. Zamiest taho kab chavać aparat, jany pasprabavali vykarystać asablivaści čałaviečaha zroku.
Kab znajści aptymalnuju kanstrukcyju, jak paviedamlaje navukova-papularnaje vydańnie IFLScience, daśledčyki vykarystali štučny intelekt. Spačatku kampjutarnaja madel zhienieravała kala 20 tysiač mahčymych kanfihuracyj drona, zdolnych stabilna latać.
Potym ałharytmy aptymizacyi na asnovie ŠI šmat razoŭ źmianiali raźmiaščeńnie asnoŭnych elemientaŭ drona — ruchavika, prapielera, płaty kiravańnia, procivahi i batarej, kab znajści aptymalnuju kampanoŭku.
Najlepšyja varyjanty pravieryli ŭ simulacyi, jakaja pryblizna ŭznaŭlała čałaviečy zrok, kab acanić, nakolki prykmietnym budzie kožny ź ich. Paśla jašče adnaho etapu aptymizacyi daśledčyki vybrali finalny dyzajn i ŭvasobili jaho ŭ realnaści.
Dron, jaki atrymaŭ nazvu Phantom Twist, maje lohki karkas i adzin prapieler. Padčas palotu jon krucicca vakoł svajoj vosi z chutkaściu da 25 abarotaŭ za siekundu. Pry takoj chutkaści čałaviečaje voka ŭžo nie paśpiavaje vyrazna adroźnivać jaho kontury — jany razmyvajucca.
A pakolki bolšaja častka kanstrukcyi prazrystaja, niešmatlikija nieprazrystyja elemienty vizualna źlivajucca z fonam. U vyniku dron nie stanovicca niabačnym, ale vyhladaje jak ledź prykmietnaja razmytaja plama.
Na dumku aŭtaraŭ raspracoŭki, taki dron moža być karysny dla nazirańnia za dzikaj pryrodaj, daśledavańnia miascovaści i ahladu mastoŭ, budynkaŭ dy inšaj infrastruktury, bo mienš adciahvaje ŭvahu svajoj prysutnaściu.
U toj ža čas padobnaja technałohija tearetyčna moža vykarystoŭvacca i dla schavanaha nazirańnia abo ŭ vajskovych metach. Praŭda, sami daśledčyki takich scenaroŭ nie prapanujuć i razhladajuć vyklučna mirnaje prymianieńnie svajoj raspracoŭki.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki37
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary