U Hiermanii adznačajuć rost kolkaści dezynfarmacyjnych kampanij, jakija, jak miarkujecca, padtrymlivajucca Rasijaj i aktyvizujucca napiaredadni vybaraŭ u niekalkich fiederalnych ziemlach. Pra heta ahienctvu Reuters paviedamili krynicy ŭ śfiery biaśpieki.
Pavodle ich słoŭ, hetyja infarmacyjnyja apieracyi časta skiravanyja suprać palityčnych kankurentaŭ ultrapravaj partyi «Alternatyva dla Hiermanii» (AdH). Meta takich kampanij, jak śćviardžajecca, — uzmacnić raskoł u hramadstvie, abvastryć palityčnuju situacyju i dyskredytavać dziejnuju ŭładu i inšyja palityčnyja siły.
Čatyry krynicy ŭ niamieckich orhanach biaśpieki zajavili, što ŭłady ŭpeŭnienyja: kampanii kaardynujucca z Rasii praź sietku arhanizacyj.
U miežach hetych apieracyj praz sacyjalnyja sietki raspaŭsiudžvajucca videaroliki, pieravažna na anhlijskaj movie, z łahatypami viadomych ŚMI, u tym liku Bi-bi-si i niamieckaha telekanała ARD.
U hetych materyjałach utrymlivajucca falšyvyja abvinavačańni suprać miascovych palitykaŭ — ad nibyta kradziažu dziaržaŭnych srodkaŭ da seksualnych damahalnictvaŭ i inšych złoŭžyvańniaŭ.
Pradstaŭnik Ministerstva ŭnutranych spraŭ Hiermanii paćvierdziŭ, što ŭrad sočyć za dezynfarmacyjnaj kampanijaj, jakuju nazvali «Matroška», ale pakul nie prymaje aktyŭnych mier.
«Na hety momant hetaja kampanija nie maje značnaha achopu ŭ internecie. Ale heta nie aznačaje, što my možam asłabić pilnaść. Jana pa-raniejšamu zastajecca surjoznaj dezynfarmacyjnaj kampanijaj», — zajaviŭ pradstaŭnik viedamstva.
Partyja «Alternatyva dla Hiermanii», jakaja zaniała druhoje miesca na letašnich ahulnanacyjanalnych vybarach i pakazała svoj najvyšejšy vynik z časoŭ Druhoj suśvietnaj vajny, praciahvaje pavialičvać padtrymku napiaredadni vybaraŭ u niekalkich ziemlach, jakija projduć u vieraśni.
U ziamli Saksonija-Anhalt partyja maje šancy atrymać absalutnuju bolšaść hałasoŭ na vybarach 6 vieraśnia, što dazvoliła b joj upieršyniu sfarmiravać ułasny ŭrad ziamli.
Raniej paviedamlałasia, što kiroŭnaja niamieckaja partyja — Chryścijanska-demakratyčny sajuz (CHDS) — stvaryła šyrokuju kamandu ekśpiertaŭ, jakija buduć kansultavać jaje padčas kampanii da ziamielnych vybaraŭ z metaj supraćstajać rostu papularnaści AdH.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary