Aryna Sabalenka prezientavała sukienku, u jakoj vystupić na US Open. Prezientacyja ŭbrańnia pieratvaryłasia ŭ sapraŭdnuju vajnu ŭ kamientarach. Pakul aficyjny akaŭnt Nike sprabuje supakoić publiku, u zaŭziataraŭ sportu i mody zdajuć niervy.
«Vyhladaje jak hubka dla dušu»
Amierykanski hihant spartyŭnaj vopratki mocna adhrob ad kamientataraŭ. Tyja nie saromielisia ŭ vyrazach.
«Vam treba nieadkładna zvolnić vašaha dyzajniera! Heta nie vopratka dla tenisu. Heta Temu».
«U mianie ŭ dušy visić vialikaja hubka-sietka, jakaja vyhladaje padazrona padobna da hetaha. Jana kaštavała $5,99 i jana dastatkova vialikaja, kab nasić jak mini-spadnicu».
Karystalniki aburajucca, što brend straciŭ suviaź sa spartyŭnaj elehantnaściu i stvaraje ŭbory, u jakich soramna vychodzić na kort.
«Aryna — pieršaja rakietka śvietu i hulaje na turniry Vialikaha šlema ci jana stryptyziorša?»
«Nike, heta vyhladaje žachliva! Heta prosta śmiećcie, i pieršaja rakietka śvietu zasłuhoŭvaje lepšaha…»
«Ja ŭ šoku. Surjozna, heta prosta nieprymalna, kab Nike prapanoŭvaŭ takoje pieršaj rakietcy śvietu».
Aficyjny akaŭnt Nike pasprabavaŭ zachavać tvar i napisaŭ pad postam łakaničnaje i fanaberystaje: «Jany nie hatovyja».
Heta vyklikała tolki novuju chvalu kpinaŭ ad zaŭziataraŭ.
«My nie hatovyja, tamu što heta strašna ahidna».
«Nie hatovyja da hetaha vyrodlivaha kamplekta? Praŭda».
Jak by tam ni było, ale zadača pryciahnuć uvahu da novaj sukienki była vykanana na 100%.
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami21
Kamientary