Арына Сабаленка прэзентавала сукенку, у якой выступіць на US Open. Прэзентацыя ўбрання ператварылася ў сапраўдную вайну ў каментарах. Пакуль афіцыйны акаўнт Nike спрабуе супакоіць публіку, у заўзятараў спорту і моды здаюць нервы.
«Выглядае як губка для душу»
Амерыканскі гігант спартыўнай вопраткі моцна адгроб ад каментатараў. Тыя не саромеліся ў выразах.
«Вам трэба неадкладна звольніць вашага дызайнера! Гэта не вопратка для тэнісу. Гэта Temu».
«У мяне ў душы вісіць вялікая губка-сетка, якая выглядае падазрона падобна да гэтага. Яна каштавала $5,99 і яна дастаткова вялікая, каб насіць як міні-спадніцу».
Карыстальнікі абураюцца, што брэнд страціў сувязь са спартыўнай элегантнасцю і стварае ўборы, у якіх сорамна выходзіць на корт.
«Арына — першая ракетка свету і гуляе на турніры Вялікага шлема ці яна стрыптызёрша?»
«Nike, гэта выглядае жахліва! Гэта проста смецце, і першая ракетка свету заслугоўвае лепшага…»
«Я ў шоку. Сур'ёзна, гэта проста непрымальна, каб Nike прапаноўваў такое першай ракетцы свету».
Афіцыйны акаўнт Nike паспрабаваў захаваць твар і напісаў пад постам лаканічнае і фанабэрыстае: «Яны не гатовыя».
Гэта выклікала толькі новую хвалю кпінаў ад заўзятараў.
«Мы не гатовыя, таму што гэта страшна агідна».
«Не гатовыя да гэтага выродлівага камплекта? Праўда».
Як бы там ні было, але задача прыцягнуць увагу да новай сукенкі была выканана на 100%.
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі22
Каментары