«Марская паліцыя: Спецаддзел» (NCIS) — велізарная амерыканская тэлефраншыза, дзеля якой за апошнія 23 гады знялі 8 серыялаў. У апошнім з іх не абышлося без згадкі Беларусі.
6 кастрычніка на амерыканскім канале CBS выйшаў першы эпізод «Марской паліцыі: Нью-Ёрк» (NCIS: New York). Гэта восьмы серыял у сусвеце NCIS, франшызы пра агенцтва, што расследуе злачынствы ў амерыканскім флоце або тыя, да якіх датычныя амерыканскія маракі.
Новы серыял пабудаваны вакол Сэма Ханы, агента марской паліцыі ў Нью-Ёрку, які разам са сваёй камандай абараняе родны горад. У першым выпуску Хана толькі вяртаецца ў Нью-Ёрк, бо ягоны сябар і саслужывец знойдзены мёртвым, і плануе сам расследаваць гэтую справу.
Падчас расследавання Сэм з камандай выходзяць на мужчыну, які нібыта дапамагаў злачынцам, і той расказвае ім, чаму на гэта пайшоў.
Аказалася, што цягам года Дэйв — так клічуць мужчыну — перапісваўся ў дэйтынгавым дадатку з Катрынай, прыгажуняй з Беларусі. За той год яны так і не сустрэліся, але, запэўнівае Дэйв, ён над гэтым працаваў і нават набыў ужо для Катрыны квіток на самалёт.
Але ж замест сустрэчы ён атрымаў інфармацыю, што Катрыну выкралі і яе жыццё пад пагрозай. Каб абараніць дзяўчыну, Дэйв зрабіў тое, што ад яго патрабавалі злачынцы: пагадзіўся перавезці наймітаў на лодцы, падклаў на лодку свае грошы, каб прадставіць сябра Ханы звязаным са злачыннай дзейнасцю, а потым яшчэ і дапамог злачынцам з укрыццём. Калі Дэйв расказаў усё гэта на допыце, яму патлумачылі, што ніякай Катрыны не існуе і ён, хутчэй за ўсё, перапісваўся з нейкім Іванам, якому быў патрэбны чалавек з лодкай у Нью-Ёрку.
Рэйтынгі ў серыяла неблагія — першая серыя набрала на рэсурсе IMDb 7,5 балаў з 10 па водгуках гледачоў. У жывым эфіры яе паглядзелі 5,49 мільёна амерыканцаў, і гэта добры паказчык для тамтэйшага тэлебачання.
«Наша Нiва» — бастыён беларушчыны
ПАДТРЫМАЦЬУ Беларусі пакажуць фільм пра кіраўніцу Theranos, асуджаную на 11 гадоў за буйное махлярства. Фільм б'е ўсе магчымыя рэйтынгі
У сусветны пракат сёння выходзіць «Клара і Сонца». У галоўнай ролі — зорка «Уэнсдэй»
У Беларусі здымаюць серыял пра «СВА». Набіраюць масоўку на дыверсантаў, а сярод акцёраў — былы міністр Руслан Чарнецкі
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары