У Беларусі стварылі мясную катлету, максімальна набліжаную да рыбы
Беларускія навукоўцы распрацавалі мясараслінную катлету, якая харчовай каштоўнасцю максімальна набліжаная да рыбы, але не мае характэрных для яе паху і кансістэнцыі. Новы прадукт плануюць выкарыстоўваць у тым ліку ў школьным харчаванні, паведамляе партал «Здаровыя людзі».
Над распрацоўкай працуюць спецыялісты Навукова-практычнага цэнтра Нацыянальнай акадэміі навук Беларусі па харчаванні. Са слоў вядучай навуковай супрацоўніцы цэнтра Ганны Журні, катлету стварылі як пажыўны аналаг рыбных прадуктаў.
Навукоўцы імкнуліся наблізіць яе да рыбы паводле харчовай каштоўнасці, утрымання бялкоў, тлушчаў і вугляводаў, а таксама амінакіслотнага і мінеральнага складу. Пры гэтым яны не капіявалі склад якога-небудзь аднаго віду рыбы, а вывучылі хімічны склад розных марскіх і рачных відаў і разлічылі сярэднія паказчыкі, на якія арыентаваліся пры стварэнні прадукту.
Адной з галоўных задач было ўзнавіць характэрны для рыбы профіль тлустых кіслот, але захаваць звыклыя для мясных вырабаў смак, тэкстуру і водар.
Паводле слоў распрацоўшчыкаў, даследаванні паказалі, што новая катлета засвойваецца арганізмам прыкладна гэтак жа, як рыба. Таксама ўжо правялі папярэднія дэгустацыі з удзелам людзей розных узростаў.
Цяпер распрацоўка знаходзіцца на завяршальным этапе. Даследаванні ў лабараторыі Рэспубліканскага кантрольна-выпрабавальнага комплексу па якасці і бяспецы харчовых прадуктаў працягваюцца больш за два гады.
Навукоўцы разлічваюць, што найбліжэйшым часам такія катлеты могуць з’явіцца ў асартыменце прадуктаў для школьнага харчавання. Далей разглядаецца магчымасць выпуску паўфабрыката і для шырэйшага кола спажыўцоў.
Адначасова Навукова-практычны цэнтр НАН Беларусі па харчаванні працуе над іншымі прадуктамі са змененым складам. Сярод іх — заменнік яек з нуту, вырабы з павышаным утрыманнем харчовых валокнаў, прадукты з лубіну і кандытарскія вырабы з паніжаным утрыманнем цукру. Распрацоўка прадуктаў здаровага харчавання, у тым ліку для дзяцей, з’яўляецца адным з прыярытэтных кірункаў дзейнасці цэнтра.
У Беларусі распрацоўваюць штучную рыбу для кармлення школьнікаў
«Ад вэнджання курэй я адмовіўся зусім». Магілёўскі інжынер расказаў пра спецыфіку гатавання рыбных і мясных далікатэсаў
Блінчыкі з шакаладам, пельмені і не толькі. Чым кормяць школьнікаў у новым навучальным годзе
Тры стравы і больш паўфабрыкатаў. Як зменіцца харчаванне ў школах Мінска
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары