Тры стравы і больш паўфабрыкатаў. Як зменіцца харчаванне ў школах Мінска
Харчаванне будзе арганізаванае па трох блоках, сфармаваных не згодна з узростам, а паводле паралеляў.
З новага навучальнага года ва ўстановах сярэдняй адукацыі змяняюцца падыходы да арганізацыі харчавання школьнікаў. Пра гэта расказала старшыня камітэта адукацыі Мінгарвыканкама Марына Ільіна, пішуць Мінск-навіны.
Раней сістэма школьнага харчавання была арыентаваная на дзве ўзроставыя групы: ад 6 да 10 гадоў і ад 11 да 18 гадоў. Цяпер, паводле слоў Марыны Ільінай, падыход стаў больш дыферэнцыраваным. Харчаванне будзе арганізавана па трох блоках, сфармаваных не згодна з узростам, а паводле паралеляў: першыя—пятыя, шостыя—восьмыя і дзявятыя—адзінаццатыя класы.
Акрамя таго, укараняецца ўніфікаваны падыход на ўзроўні ўсёй краіны. Пры аднаразовым харчаванні вучні першай змены будуць атрымліваць другі сняданак, а другой змены — падвячорак, у склад якога ўвойдзе пэўны набор страў: салата, гарачая страва і напой.
— Увесь мінулы год мы шукалі новыя падыходы, выпрабоўвалі розныя стравы, пашырылі пералік дазволеных паўфабрыкатаў. Але адразу супакою бацькоў: усе паўфабрыкаты, якія выкарыстоўваюцца ва ўстановах адукацыі, прызначаныя для дзіцячага харчавання, — патлумачыла старшыня камітэта адукацыі Мінгарвыканкама.
Яшчэ адным прыкметным новаўвядзеннем стане пашырэнне эксперыменту з вендынгавымі апаратамі, які паспяхова прайшоў у Мінску летась. Спікерка падкрэсліла, што прадукцыя з аўтаматаў не заменіць асноўнага прыёму ежы.
— Гэта магчымасць дадаткова набыць прадукты, прызначаныя для дзіцячага харчавання: сок, нейкі іншы напой, печыва. Пералік дастаткова абмежаваны, і мы абавязкова кантралюем захаванне тэрмінаў прыдатнасці і рэжымаў захоўвання, — падсумавала Марына Ільіна.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары