Жыхарка Воранаўскага раёна аддала сваю машыну на рамонт. А пасля пабачыла ў тыктоку, што яе прадалі на запчасткі
Жанчына знайшла свой аўтамабіль на разборцы пасля таго, як убачыла яго ў сацетках. Пра гэта яна паведаміла ў міліцыю, піша УУС Гродзенскага аблвыканкама.
Як высветлілі супрацоўнікі крымінальнага вышуку, у чэрвені 47‑гадовая жанчына перадала старэнькую Audi 26‑гадоваму мясцоваму жыхару, каб той падрыхтаваў аўтамабіль да праходжання тэхагляду.
Аднак мужчына не выканаў абяцаную працу і не вярнуў аўтамабіль ва ўстаноўлены тэрмін. Замест гэтага ён прадаў машыну свайму знаёмаму ўсяго за 600 рублёў у залік пазыкі. А новы ўладальнік перапрадаў яе на запчасткі.
Праз некаторы час жанчына, праглядаючы тыкток, убачыла відэа са сваім аўтамабілем. Незнаёмыя ёй людзі прапаноўвалі машыну ўжо за 1200 рублёў.
Сілавікі ў выніку канфіскавалі аўтамабіль у новага ўладальніка. У дачыненні да 26‑гадовага мужчыны распачалі крымінальную справу паводле артыкула «Махлярства». Яму пагражае да трох гадоў пазбаўлення волі.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары