На форуме ў Маскве расказалі пра фота забітага вайскоўца з неанацысцкай «Эспаньёлы», якое нібыта заміраточыла
Фатаздымак знаходзіцца ў офісе гэтага батальёна ў Маскве.
Фатаграфія вайскоўца з ультраправай брыгады «Эспаньёла» з пазыўным «Казак», размешчаная ў офісе падраздзялення, «заміраточыла», паведаміў у чацвер на адкрыцці XII Маскоўскага міжнароднага форуму «Рэлігія і свет» былы генеральны дырэктар тэлеканала «Спас» Барыс Касценка, піша «Агенцтва».
Падзяліцца «ўнікальнай падзеяй» Касценка вырашыў напрыканцы свайго выступу на адкрыцці форуму.
«Учора я атрымаў фотаздымак, на якім намаляваны наш баец, яго пазыўны — «Казак». Ён з батальёна «Эспаньёла». Ён загінуў, адвёўшы дрон ад сваіх таварышаў, здзейсніў гераічны ўчынак. Цяпер на вайне такое часта адбываецца. Ён загінуў. Засталіся жонка і дзіця. Але важна тое, што гэты фотаздымак знаходзіцца ў офісе гэтага батальёна ў Маскве. Дык вось, фотаздымак заміраточыў — пакрыўся дробнымі кроплямі міра».
Паводле слоў Касценкі, гэта «сведчанне прысутнасці Божай у нашым свеце проста цяпер, тут».
«Эспаньёла» — брыгада, сфарміраваная пасля ўварвання ва Украіну з фанатаў-неанацыстаў. Байцы «Эспаньёлы» ўдзельнічалі ў штурме «Азоўсталі», Марыупаля і Вуглядара, трымалі абарону Кляшчэеўкі, захоплівалі Аўдзееўку і Часаў Яр. У снежні мінулага года яе камандзір Сяргей Арлоў стаў першым удзельнікам вайны, развітанне з якім адбылося ў храме Хрыста Збаўцы.
-
«Гаспадар проста пайшоў». У Мінску дзіця пакусаў сабака, дзяўчынцы ніхто не дапамог
-
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы
-
«Узрушвае падтрымка беларусаў». Былы палітвязень Дзмітрый Кучук, які прасіў дапамогі, набыў бус і з’язджае з прытулку
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1818
Каментары