Закінутую прыбіральню на беразе Драздоў прадалі за кошт двухпакаёвай кватэры ў Мінску
У Мінскім раёне на аўкцыёне прадалі закінутую грамадскую прыбіральню на беразе вадасховішча Дразды. Новы ўладальнік заплаціў за яе 268 552 рублі — амаль 90 тысяч даляраў. За гэты кошт у Мінску можна набыць двухпакаёвую кватэру, піша выданне «Наш партал».
Як паведамляе Дзяржаўны камітэт па маёмасці, аб’ект знаходзіцца на тэрыторыі пляжа № 5 вадасховішча Дразды, недалёка ад аграгарадка Ждановічы. Гэта не часовая туалетная кабінка, а капітальны будынак плошчай 192,7 квадратнага метра. У афіцыйных дакументах яго прызначэнне не акрэслена, але зямельны ўчастак адведзены для будаўніцтва і абслугоўвання грамадскай прыбіральні.
Разам з будынкам пакупнік атрымаў убудаванае электратэхнічнае абсталяванне, у тым ліку ўводную прыладу і размеркавальную шафу.
Пачатковы кошт лота складаў 255 763 рублі. На аўкцыён падаў заяўку толькі адзін удзельнік, таму таргі не адбыліся. Аднак паводле беларускіх правіл адзіны заяўнік меў права набыць маёмасць з надбаўкай 5% да пачатковай цаны. У выніку кошт склаў 268 552 рублі. Імя пакупніка і ягоныя планы наконт аб’екта не раскрываюцца.
Для параўнання, на 22 кастрычніка ў Мінску за такія грошы можна было набыць двухпакаёвую кватэру. Напрыклад, кватэру плошчай 48,5 квадратнага метра каля парку на вуліцы Пятра Глебкі, 90 прапаноўвалі за 265,9 тысячы рублёў. Яшчэ адзін варыянт — жыллё ў доме пасля капітальнага рамонту на вуліцы Краснаслабодскай, 7, за 235,3 тысячы рублёў.
Падобныя аб’екты ўжо выстаўлялі на продаж і раней. У 2024 годзе ў мінскім парку 40‑годдзя Кастрычніка прыбіральню спрабавалі пераабсталяваць пад рыбную рэстарацыю, выставіўшы яе за 130,8 тысячы рублёў. А ўлетку 2026 года ў Слуцку не змаглі знайсці пакупцоў для мясцовай цаглянай прыбіральні за 29,8 тысячы рублёў і драўлянай прыбіральні за 144 рублі.
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах5
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1616
Каментары
@За гэты кошт у Мінску можна
@кошт лота складаў 2 ----
Цана <----------------------------
• Што гэта: Грашовае выражэнне вартасці тавару, гэта значыць колькі грошай хоча (і ставіць у магазіне) прадавец за сваю рэч.
• Прыклад: «Цана на памідоры на рынку — 3 рублі за кілаграм».
• Сутнасць: Гэта тое, па чым пакупнік купляе тавар у прадаўца.
Кошт <------------------------------------
• Што гэта: Выдаткі, затраты на вытворчасць, набыццё ці арганізацыю чаго-небудзь (у тым ліку сабекошт).
• Прыклад: «Кошт вырошчвання кілаграма памідораў (насенне, дарога, праца) склаў 1,6 рубля».
• Сутнасць: Гэта тое, у колькі абышоўся сам тавар або паслуга таму, хто іх вырабляе ці арганізуе.
________________________________________
Формула сувязі
Кошт (выдаткі) + Прыбытак (навар) = Цана
Іншыя ўжыванні слова «кошт»
Слова кошт таксама выкарыстоўваецца ў значэнні выдаткаў ці аплаты ў такіх выразах:
• Сабекошт — сума ўсіх выдаткаў на стварэнне прадукту.
• На свой кошт — за ўласныя грошы (напрыклад, выдаць кнігу на свой кошт).
• Каштарыс — дакумент з разлікам будучых выдаткаў
А деньги не пахнут(с)