У Слуцку не ўдалося прадаць на электронным аўкцыёне будынак былой платнай грамадскай прыбіральні. За аб'ект прасілі амаль 30 тысяч рублёў, аднак таргі не адбыліся, бо на іх не зарэгістраваўся ніводны ўдзельнік, піша «Смартпрэс».
На продаж выстаўляўся аднапавярховы цагляны будынак з прыбудовай, размешчаны на вуліцы Манахава, 2А. Яго пабудавалі ў 1998 годзе, а агульная плошча складае 23,1 квадратнага метра. Разам з будынкам купец атрымаў бы права арэнды зямельнага ўчастка плошчай 0,0145 гектара на 20 гадоў.
Пачатковы кошт лота складаў 29 801 рубель 77 капеек. З гэтай сумы каля 29 тысяч рублёў прыпадала на сам будынак, яшчэ 781 рубель 77 капеек — на права арэнды зямлі. Для ўдзелу ў таргах неабходна было ўнесці задатак у памеры 5960 рублёў, а мінімальны крок павышэння цаны складаў 1490 рублёў 9 капеек.
Паводле ўмоў аўкцыёну, новы ўласнік мог выкарыстоўваць будынак не толькі як грамадскую прыбіральню. На гэтым месцы таксама дазвалялася адкрыць аб'ект грамадскага харчавання або гандлёвы пункт. Акрамя таго, пры неабходнасці будынак можна было рэканструяваць або знесці і ўзвесці новы, але пры выкананні ўсіх прадугледжаных патрабаванняў і ўстаноўленых тэрмінаў.
Паколькі ахвотных набыць гэты аб'ект не знайшлося, электронныя таргі былі прызнаныя такімі, што не адбыліся.
Сядзібу «Малыя Дольцы» на Ушаччыне зноў выставілі на аўкцыён. Толькі паўгода таму яе нібыта набыў расіянін
Стала вядома, у што ператворыцца закінутая грамадская прыбіральня на беразе Свіслачы ў цэнтры Мінска
Пасажырскі вагон выставілі на продаж у Мінску
На аўкцыён выставілі маёмасць Мінскага падшыпнікавага завода
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж20
Каментары